CGTN мэдээ
Тал нутгийн хөдөлмөрийн жишээч Уянга охин
Бүх Хятадын Үйлдвэрчний эвлэлийн холбоо байгуулагдсаны 100 жилийн ойг тэмдэглэж, үндэсний хөдөлмөрийн жишээч, тэргүүний ажилтныг сайшаан урамшуулах хурал саяхан Бээжин хотын Ардын их хурлын ордонд ёслол төгөлдөр боллоо. Хятадын олон салбарын 1670 хүн бүх Хятадын хөдөлмөрийн жишээч цол, 756 хүн бүх Хятадын тэргүүний ажилтны цол хүртсэн бол Өвөр Монголын Шилийнгол нутагтай Уянга охин Хятадын хөдөлмөрийн жишээч одонгоор энгэрээ мялаалаа.
2017 онд их сургуулиа дүүргээд тэрээр хөдөө нутагтаа буцаж, олон нийтийн сүлжээгээр хөдөө орон нутгаа танилцуулж, мал аж ахуйн онцлог бүтээгдэхүүнийг борлуулж эхэлсэн байна. Долоон жилийн хугацаанд тэрээр 2000 гаруй богино видео үйлдэж нийтэлсэн бөгөөд бүх сүлжээгээр 2 сая гаруй дагагчтай болж, орон нутгийн тусгай бүтээгдэхүүний борлуулалтын нийт хэмжээ 20 сая гаруй юаньд хүрчээ.
