Татварын мөнгөнөөс 7.4 тэрбум төгрөгийг НАМУУДАД ШИЛЖҮҮЛНЭ

Улс төрийн намын тухай хуулиар УИХ-ын сонгуульд нийт сонгогчдын нэг ба түүнээс дээш хувийн санал авсан улс төрийн нам, эвсэлд нэгэн бүрэн эрхийн хугацаанд буюу дөрвөн жилийн турш төрөөс санхүүгийн дэмжлэг үзүүлдэг.

Өнгөрсөн 2024 оны УИХ-ын сонгуулиар парламентад суудал авсан МАН төрөөс 2.8 тэрбум төгрөг, АН 2.1 тэрбум төгрөг, ХҮН нам 993 сая төгрөг, Үндэсний эвсэл 446 сая төгрөг, Иргэний зориг ногоон нам 455 сая төгрөг авна.

Гэтэл бас суудал аваагүй ч хуулийн заалтын болзол хангасан Шинэ нэгдсэн эвсэл 312 сая төгрөг, Үнэн ба зөв нам 250 сая төгрөг төрөөс “халааслана”. Нийтдээ 7,4 тэрбум төгрөг татвар төлөгчийн халааснаас намууд руу шилжинэ. Гэхдээ Шинэ эвслийнхэн төрийн “хишиг”-ээ аваад АН-д дагаар орсон бол Үнэн ба зөв намынхан “попорч” суугаад л жил бүр 250 сая төгрөг “халааслах” нь дээ.