Ши Жиньпиний ОХУ-д хийх айлчлалын утга учрыг гурван одон медалиар өгүүлэх нь

Хятад, Орос бол хамгийн том хөрш орнууд төдийгүй, иж бүрэн стратегийн түншүүд, НҮБ-ын Аюулгүйн Зөвлөлийн байнгын гишүүд юм. Сүүлийн 76 жилийн хугацаанд хоёр улс харилцан хүндлэл, хамтын ашиг сонирхолд тулгуурласан шинэ төрлийн харилцааны загварыг бүтээж чадсан.

Ши Жиньпиний энэ удаагийн айлчлал нь найрамдлыг бататгаж, хамтын ажиллагааг гүнзгийрүүлсэн, түүхийг эргэн санаж, ирээдүйд чиглэсэн онцгой ач холбогдолтой гэдгийг талууд онцолж байна. Ингээд та бүхэнд Ши Жиньпин, Владимир Путин нарын харилцаа, Хятад-Оросын найрамдлыг бэлгэдсэн гурван медалийн тухайд танилцуулъя:

△2018 оны 6 дугаар сарын 8-нд Ши Жиньпин Бээжингийн Ардын Их Хурлын ордонд ОХУ-ын Ерөнхийлөгч В.Путинд анхны “Найрамдлын медаль”-ийг гардуулав.

1. Хятадын “Найрамдлын медаль” – 2018 он

2018 оны 6 дугаар сарын 8-нд Ши Жиньпин Бээжингийн Ардын Их Хурлын ордонд ОХУ-ын Ерөнхийлөгч В.Путинд анхны “Найрамдлын медаль”-ийг гардуулсан. Энэ нь Хятадын ард түмнээс Оросын төрийн тэргүүнд илэрхийлж буй хүндэтгэл төдийгүй хоёр орны ард түмний гүн гүнзгий нөхөрлөлийг бэлгэдсэн үйл явдал болсон юм.

△2017 оны 7 дугаар сард Кремльд В.Путин Ши Жиньпинд ОХУ-ын хамгийн дээд одон болох “Андрейгийн одон”-г гардуулав.

2. Оросын “Андрейгийн одон” – 2017 он

2017 оны 7 дугаар сард Кремльд В.Путин Ши Жиньпинд ОХУ-ын хамгийн дээд одон болох “Андрейгийн одон”-г гардуулсан. Энэ бол хоёр орны удирдагчдын бие биедээ үзүүлсэн хүндэтгэл, хоёр улсын харилцааг хувийн хэмжээнд хүртэл итгэлцэлтэй болсны тод илэрхийлэл байв.

△2015 оны 5-р сард Ши Жиньпин Москвад Хятадын зүүн хойд нутагт Японы эсрэг дайнд оролцсон Оросын ахмад дайчдын 18 төлөөлөгчтэй уулзав.

3. “Энхийн медаль” – 2015 он

2015 онд Хятад, Орос хоёр орны ард түмэн Дэлхийн II дайны ялалтын 70 жилийн ойг хамтран тэмдэглэсэн. Ши Жиньпин Бээжинд болон Москва хотод Хятадын дайнд оролцсон Оросын ахмад дайчдад “Энхийн медаль” гардуулсан. Энэ нь хоёр ард түмэн хамтдаа тэмцэж, найрамдлыг бататгасан түүхэн бэлгэдэл болсон юм.

△Орон нутгийн цагаар 2025 оны 5-р сарын 5-ны өдөр, Москва хотын гудамж.

2025 он бол Дэлхийн II дайны ялалтын болон НҮБ байгуулагдсаны 80 жилийн ой. Хятад, Орос хоёр улс Дэлхийн II дайны Азийн болон Европын гол тулалдааны талбарт чухал үүрэг гүйцэтгэж, хүн төрөлхтний энх тайван, хөгжилд үнэтэй хувь нэмэр оруулсан. Энэхүү түүхийг хамтдаа дурсаж, зөв түүхэн үзэл санааг түгээн дэлгэрүүлэх нь өнөөгийн олон улсын шударга ёсыг сахин хамгаалахад чиглэж байна.

Хятад, Орос хоёр улс аливаа эвсэлд нэгдэхгүй, гуравдагч этгээдийг чиглэх биш, харин энх тайван, шударга ёсыг эрхэмлэсэн хамтын ажиллагааны замаар тууштай урагшилж байна. Ши Жиньпин даргын энэ удаагийн айлчлал нь хоёр улсын улам гүн бат түншлэлийг бататгаж, олон улсын тогтворгүй нөхцөл байдлыг намжаахад хувь нэмэр оруулна гэж найдаж байна.