“Хятад орноор аялахуй-2025” арга хэмжээ эхлэв 

Саяхан хуралдсан хөршүүд хоорондын ажлын тухай төв хорооны хуралд хөршүүд бол Хятад улсын энх тайван оршиход чухал бөгөөд хөгжил цэцэглэлтийн үндэс суурь гэдгийг онцолсон билээ. Өнгөрсөн сард Ши Жиньпин дарга Вьетнам, Малайз, Камбож зэрэг гурван улсад амжилттай айлчилж, төрийн тэргүүний дипломат үйл ажиллагаагаар дамжуулан сайн хөрш, энхийн хөрш, чинээлэг хөршийн үзэл ойлголтыг гүнзгий өгүүлж, хөршүүдийн хувь заяаны хамтын цогцын бүтээн байгуулалтын шинэ хуудсыг бичиглэсэн юм.

“Хятад орноор аялахуй-2025” арга хэмжээний нээлтийн ёслол дээр Вьетнамаас Хятадад суугаа Элчин сайд Пхам Тхань Бин хэлсэн үгэндээ: “Ерөнхий нарийн бичгийн дарга Ши Жиньпин улс орнуудын найрамдал бол ард түмэн хоорондын найрамдалд оршдог гэж хэлсэн байдаг. Энэ нь Вьетнам Хятадын харилцаанд ард иргэд хоорондын найрсаг харилцаа маш чухал гэдгийг харуулж байна. Хүн ардын харилцаагаар дамжин иргэд хоорондын найрамдал тасралтгүй гүнзгийрч чадна гэж би бодож байна” гэв.

Балбаас Хятадад суугаа Элчин сайд Кришна Прасад Оли хэлэхдээ, олон талт үзэл, олон улсын эрх тэгш, шударга ёсыг ахиулах, дэлхийн засаглалд оруулсан Хятад улсын эерэг хувь нэмэр нь сайшаалтай гэв.

Туркаас Хятад улсад суугаа Элчин сайдын яамны хэвлэлийн зөвлөх Али Юнал хэлэхдээ, харилцаа холбоо, технологи хурдацтай хөгжиж буй өнөө үед, Ши Жиньпин даргын онцолсон “хүн төрөлхтний хувь заяаны нэгдмэл цогц”-ын үзэл баримтлал нь энх тайван, хөгжил цэцэглэлт, тогтвортой хөгжлийн ирээдүйг цогцлооход хүчирхэг, гүн гүнзгий урам зориг өгч байна. Энэхүү алсын хараа нь дэлхийн эв нэгдэл, хамтын ажиллагаа зайлшгүй чухал гэдгийг онцлон харуулж байна гэжээ.

“Өнөөдөр дэлхий дахин дөрвөн замын уулзвар дээр ирээд байна. Гаалийн татварын дайн, эдийн засгийн явцуу үндсэрхэг үзэл, геополитикийн тэмцэлдээн нь хөгжлийн суурийг хөдөлгөж байна. Гэхдээ бид шантарч болохгүй, харин тууштай урагшлах ёстой”. Индонез улсаас Хятадад суугаа Элчин сайдын яамны орлогч Парулиан Силалахи онцлон тэмдэглэхдээ, хөгжиж буй олон орон бол ирээдүйг бүтээх чухал хүчин төдийгүй өөрсдийн хөгжлийн аяны эзэн юм. Өмнөд өмнөдийн хамтын ажиллагааг илүү үр дүнтэй дэмжих шаардлагатай байна гэв.

Лаос улсаас Хятадад суугаа элчин сайдын яамны Боловсрол соёлын зөвлөх Чиндавон Хаиясин хэлэхдээ, Лаос Хятадын хэвлэл мэдээллийн хамтын ажиллагаа нь орон нутгийн үзэгчдэд бүх талын, өндөр чанартай телевизийн нэвтрүүлгийг хүргэж, хоёр орны ард түмний найрамдал, харилцааны чухал суваг болсныг онцлон тэмдэглэв.

Өнгөрсөн жил ХТРТ нь Хятадын 11 муж, өөртөө засах орон, хотод “Хятад орноор аялахуй” хамтарсан сурвалжлагын аян өрнүүлж, Ази Африкийн 23 орны хэвлэл мэдээллийн хэрэгслүүдийн 100 гаруй ажилтан, интернетийн алдартнууд, уран бүтээлчдийг урьж, хотын гудамж, хөдөө орон нутгийн газар тариалан, уул талаар явж, Хятадын хот суурин, тосгонд анхаарлаа хандуулж, Хятадын ард олны сайн сайхан амьдралын төлөөх хүсэл тэмүүллийг дүрс болгон үлдээж, шүлэг болгон бичиж, зураг болгон зурж, дуу болгон дуулж, Хятад маягийн шинэчлэлтийн тод зураглалыг бүтээсэн байна.

Нээлтийн ёслолд ХТРТ-ийн CGTN-ийн ерөнхий редакторын орлогч бөгөөд Ази Африкийн хэлний нэвтрүүлгийн төвийн захирал Ань Шяо-Юй “Хятад орноор аялахуй-2025” арга хэмжээний анхны ажиллагаа “Ухань хоттой танилцах нь” арга хэмжээгээр эхлэх тухай танилцуулж, Вьетнамын VTV, Вьетнамын Ханойгийн радио телевиз, Лаосын үндэсний телевиз, Лаосын үндэсний радио, Туркийн үндэсний радио телевиз, Таиландын үндэсний телевиз зэрэг таван орны мэдээллийн хэрэгслүүдийн баг Ухань хотод ирж, энэхүү хотын гайхамшиг сайхныг хамтдаа эрэлхийлэн мэдэхийг урьсан байна.

Ухань хотын намын хорооны байнгын хорооны гишүүн, Суртал ухуулгын газрын дарга У Чао-Ань таван талаар Ухан хотын өвөрмөц онцлогийг танилцуулав.

Тэрээр хэлэхдээ, Ухань хотын хөгжил бол Хятад маягийн шинэчлэлтийн хотуудын түвшин дэх гайхамшигтай илэрхийлэл бөгөөд хэвлэл мэдээллийнхний анд найзууд шинэ эриний баатарлаг хотын өвөрмөц сэтгэл татам байдлыг дэлхий дахинд харуулахыг чин сэтгэлээсээ урьж байна гэв.

Вьетнамаас Хятадад суугаа Элчин сайд Пхам Тхань Бин хэлэхдээ, “Хятад орноор аялахуй” Хятадын болон гадаадын мэдээллийн хэрэгслүүдийн хамтарсан сурвалжлагын аян нь улс орнуудын ард олон Ухань хотыг гүн гүнзгий ойлгон танилцах, Хятад маягийн шинэчлэлийг мэдэхэд маш сайн боломжийг хангах болно гэжээ.

Ирэх долоо хоногт Хятадын болон гадаадын багууд шинжлэх ухаан инноваци, экологи, аялал жуулчлал, зам тээвэр зэрэг Ухань хотын хөгжлийн чухал салбарт төвлөрч, “Хятад орноор аялахуй-Ухань хоттой танилцъя” цуврал нэвтрүүлгийг хамтран бүтээж, ХТРТ-ийн CGTN-ний олон платформ болон гадаадын хэвлэл мэдээллийн хэрэгслээр өргөн цацна.