Европын Лигийн шигшээ тоглолт: Тоттенхэм 2008 оноос хойших анхны цомоо хүртлээ

Энэ улирлын анхны УЕФА-гийн шигшээ тоглолт эхлэхээс өмнө “Би үргэлж хоёр дахь жилдээ аварга болдог” гэж Австрали дасгалжуулагч хэлж байсан. Тоглолтын дараа Тоттенхэмийн тоглогчид энэхүү ишлэл бүхий постертойгоор ялалтаа тэмдэглэв.  Удаан хугацаанд аваргын амтыг мэдрээгүй энэ багийн хөгжөөн дэмжигчид шинэ эрин эхэлж магадгүй гэсэн итгэл найдвар тээж байна.

Сон Хын Минд тусгайлан баяр хүргэж байна. Учир нь тэр Тоттенхэмтэй хамт Аваргуудын Лиг болон Лигийн цомын шигшээд хожигдсон ч, багтаа үнэнч үлдэн эцэст нь цом өргөж чадлаа. Ийм л сэтгэл хөдөлгөм түүхүүд хөлбөмбөгийг хайрлах шалтгаан болдог.

Манчестер Юнайтедын шоу бүтэлгүйтэв

Рубен Аморим талбай дээр давамгайлахыг хүссэн. Португал дасгалжуулагч талбайд ганцхан хагас хамгаалагч гаргаж, тоглолтын хяналтыг сайжруулахын тулд Мэйсон Маунтыг гараанд сойв. Гэвч Тоттенхэм болгоомжтой тоглосон бөгөөд Манчестер Юнайтед байрлалаа ашигласан довтолгоогоор сэтгэл татсангүй.

Бруно Фернандеш энэ улирлын хамгийн сул тоглолтуудын нэгийг үзүүлж, Каземиро болон Харри Магуайр ч онцгой байж чадсангүй. Англи хамгаалагч Кристиан Ромеротой ихэнх цагт маргалдаж, эцэст нь багаа авардаг уламжлалт гоолоо хийх хүчгүй үлдсэн юм. Манчестер Юнайтедын хаалганд орсон гоол гайхалтай байсан ч Люк Шоу Брэннан Жонсоныг зогсоож амжаагүй, энэ мөч санаанд нь удаан хадгалагдах биз.

Хоёрдугаар үед “Улаан чөтгөрүүд” эрчимтэй довтолсон ч Тоттенхэм баг сайн хамгаалж, цаг хожсоор ялалтыг авч чадсан юм.

Улирлын тойм

Тоттенхэм Премьер лигт амжилт гаргаж чадаагүй ч Европын Лигийн цом хүртсэнээр нэр төрөө сэргээж чадлаа. Зарим хүн энэ улирлыг Спөрсийн хувьд урам хугарсан гэж хэлэх бол, нөгөө хэсэг нь багийнхаа түүхэн дэх шилдэг улирлуудын нэг хэмээн үнэлж байна. Харин Манчестер Юнайтедын хувьд энэ улирал үнэхээр сүйрэл байлаа. Европын Лигийн шигшээ тоглолтын дараа Рубен Аморим удирдлага болон хөгжөөн дэмжигчид хүсвэл ямар ч нөхөн төлбөргүйгээр явхад бэлэн гэдгээ хэлсэн ч, тэрбээр бууж өгөх бодолгүй байгаа. Гэхдээ түүнээс хэн нэг нь гайхамшиг хүлээж байсан гэж үү? Энэ улирлын үр дүн бол сүүлийн хэдэн жилд удирдлагуудын хийсэн тааруу менежментийн илрэл. Улирлын туршид дөнгөж 20 настай Патрик Доргу гэх ганцхан шинэ тоглогч авсан гэдгийг харгалзан үзвэл Аморимийн хувьд багийг эргүүлэн сэргээж чадаагүй нь гайхах зүйл биш юм. Олон улсын 1xBet компанийн шинжээчдийн үзэж буйгаар Аморим ажлаа үргэлжлүүлэх боловч дараагийн улиралд клуб түүнийг тэвчин хүлээхгүй нь лавтай.

Цаашид юу болох вэ?

Европын Лигт түрүүлснээр Тоттенхэм Аваргуудын Лигийн эрх авч, багаа бэхжүүлэхэд нэмэлт санхүүгийн эх үүсвэртэй боллоо. Хамгийн гол нь, тэд одоо ялалт байгуулж чадна гэдгээ мэддэг боллоо. Хэрэв тэд цаашид цом хүртэхийг хүсэж байвал Анж Постекоглуг чанартай тоглогчдоор дэмжих шаардлагатай. Манчестер Юнайтед шинэ тоглогчидтой гэрээ хийж эхлээд байгаа бөгөөд Рубен Аморим энэ удаад бүрэн бэлтгэл хийх боломжтой болно. Дараагийн улиралд Манчестер Юнайтед Премьер лигт төвлөрнө гэсэн цорын ганц сайн мэдээ болж байна.