Өмнөговь аймагт “Архинд үгүй гэж хэлье” нөлөөллийн аян өрнөж байна

Архины хамааралтай гэмт хэргийг бууруулах, согтууруулах ундааны хэрэглээг багасгах зорилгоор “Архинд үгүй гэж хэлье” нөлөөллийн аяныг Өмнөговь аймагт өрнүүлж байна.

Тус аймагт өнгөрсөн онд 146 гэмт хэрэг, 1009 зөрчил согтуугаар үйлдэгджээ. Түүнчлэн 1420 иргэн эрүүлжүүлэгдсэнээс 83 нь эмэгтэй, 12 нь насанд хүрээгүй хүүхэд байсан нь архины хэрэглээ ихсэж, архины хамааралтай гэмт хэрэг зөрчил нэмэгдсэнийг харуулж байгаа юм. Дээрх аян ирэх гуравдугаар сарыг дуустал үргэлжлэх бөгөөд албан байгууллага, иргэдийг архинаас татгалзаж, архины хэрэглээг багасгаж, түүнд хамааралтай гэмт хэрэг зөрчлийг бууруулахад хамтран ажиллахыг уриалж байна.

Өмнөговь аймгийн хүн ам 69902. Архи зарах зөвшөөрөл бүхий ААН 361. Өөрөөр хэлбэл 190 хүнд нэг шил архи зарж худалдаалах цэг ноогдож байгаа юм.

2019 онд 299 иргэн архины хордогын эмчилгээ хийлгэсэн гэсэн статистик мэдээллээс харахад архины хэрэглээг бууруулах, архидан согтуурах донтолтоос сэргийлэх, үүнээс үүдэлтэй гэмт хэргийг бууруулах нэн тэргүүний шаардлага болоод байна.