Дин Шюешян “Бүс ба зам”-ын шинжлэх ухаан, технологийн солилцооны нээлтийн ёслолд оролцов

Дин Шюешян хэлэхдээ, Хятад улсын дарга Ши Жиньпин “Бүс ба зам”-ын шинжлэх ухаан технологийн солилцоо хамтын ажиллагааг дээд хэмжээнд чухалчилж, олон томоохон санаачилга болон арга хэмжээ дэвшүүлж, олон улсын шинжлэх ухаан, технологийн инновацийн хамтын ажиллагааг дэмжихэд чухал удирдамжаар хангасан юм. Хятад улс талуудтай хамтдаа хичээн зүтгэж, “Бүс ба зам”-ын шинжлэх ухаан, технологийн инновацийн хамтын ажиллагааны төлөвлөгөөг тасралтгүй хэрэгжүүлж, шинжлэх ухаан, технологийн “холбох гүүр”-ийг байгуулж, инновацийн хамтын ажиллагааны сүлжээг бий болгож, “Бүс ба Зам”-ыг хамтдаа өндөр чанартай бүтээн байгуулахад хүчтэй эрч хүч сэлбэж байна гэжээ.

Дин Шюешян онцлон тэмдэглэхдээ, Шинжлэх ухаан, технологийн шинэ эргэлт болон аж үйлдвэрийн өөрчлөлт гүнзгийрч, том өгөгдөл, үүлэн тооцоолол, хиймэл оюун ухаан зэрэг технологи нь эдийн засаг, нийгмийн хөгжлийг бүх талаар ахиулж байна, гэхдээ технологийн хуваагдал, дижитал хуваагдал, ухаалаг хуваагдал улам өргөжиж, ноёрхох, дээрэлхэх зарим үйлдэл нь дэлхийн хөгжилд асар их саад тотгор учруулж байна. Бид эв нэгдэл, хамтын ажиллагаагаа бэхжүүлж, олон улсын шинжлэх ухаан, технологийн хамтын ажиллагааны санаачилгыг гүн гүнзгий хэрэгжүүлж, инновацид тулгуурласан, нээлттэй, хүртээмжтэй, эрх тэгш бөгөөд шударга, хамтын хөгжил цэцэглэлттэй, хүртээмжтэй, тогтвортой “Бүс ба Зам”-ын шинжлэх ухаан, технологийн инновацийн нэгдмэл цогцыг байгуулж, бүх хүн төрөлхтөнд илүү сайн ашиг тустай байхын тулд шинжлэх ухаан, технологийн инновацийг дэмжих ёстой гэжээ.

Нээлтийн ёслолд Ираны дэд ерөнхийлөгч Афшин, Узбекистаны Тэргүүн шадар сайд Раматов, Сербийн Үндэсний ассамблейн дэд дарга Лагус нар оролцож, үг хэлж, НҮБ-ын Ерөнхий нарийн бичгийн даргын Технологийн асуудал эрхэлсэн тусгай элч Гилл видео илтгэл тавьжээ.