Хятад, Төв Азийн хамтын ажиллагаа нь тогтвортой байдлыг бий болгож байна

Судалгаанд оролцогчдын 92 хувь нь Хятад улс Төв Азийг хөрш орнуудын дипломат харилцааныхаа тэргүүлэх чиглэлийн нэг гэж үздэг бөгөөд энэ нь Төв Азийн орнуудын өөрчлөлт, хөгжилд илүү их боломжийг авчирч, бүс нутгийн нөлөөллийг нэмэгдүүлэх болно гэж үзэж байна.

Хятадын Гаалийн ерөнхий газрын тоо баримтаас үзвэл, 2024 онд Хятад, Төв Азийн орнуудын худалдааны нийт хэмжээ 94 тэрбум 800 сая ам долларт хүрч, өмнөх оныхоос 5 тэрбум 400 сая ам доллараар нэмэгдэж, дээд амжилт тогтоосон байна. Хятадын гэр ахуйн цахилгаан хэрэгсэл, өдөр тутмын хэрэглээ, цахилгаан машин зэрэг бүтээгдэхүүнүүд Төв Азийн зах зээлд нэвтэрч байгаа бол хөвөн, үхэр, хонины мах зэрэг Төв Азийн бүтээгдэхүүнүүд Хятадын ард түмний амьдралд хүрч байна.

2013 онд Ши Жиньпин дарга Төв Азид “Торгоны замын эдийн засгийн бүс”-ийг хамтран байгуулах саналыг анх дэвшүүлсэн. Хятад улс Төв Азийн орнуудыг “Бүс ба Зам” санаачилга-ыг хамтран байгуулах чухал түнш гэж үзсээр ирсэн бөгөөд эдийн засаг худалдаа, дижитал эдийн засаг, дэд бүтцийн холболт зэрэг салбарт хамтын ажиллагаа илэрхий үр дүнд хүрсэн. Үүнтэй холбогдуулан санал асуулгад оролцогчдын 92.4 хувь нь “Бүс ба зам” санаачилга нь Хятад, Төв Азийн орнуудын өндөр түвшний хамтын ажиллагааг хэрэгжүүлэх олон улсын чухал бүтээгдэхүүн болсон гэж үзэж байна.