Дуучин Г.Маргадын “Soul Mantra” дуу Берлиний наадмаас “Шилдэг дуу” шагнал хүртжээ

The Voice of Mongolia шоунаас анх гарч ирсэн дуучин Г.Маргадын  “Soul Mantra” дуу Берлиний наадмаас “Шилдэг дуу” шагнал хүртжээ.

Уг дуу нь дэлхийн шилдэг 10 дуунд багтаж, олон улсын түвшинд үнэлэгдэн үзэгчдээс өндөр үнэлгээ авсан байна.

“Berlin Music Video Awards” нь хөгжмийн клипний видео урлагийг дэмждэг, олон улсын хэмжээний наадам бөгөөд шилдэг уран бүтээлчид, найруулагч, продюсеруудтай өрсөлддөг наадам юм. Монголын хөгжмийн зах зээлээс анх удаа олон улсын том фестивалиас “Шилдэг дуу” шагнал хүртсэн нь маш том амжилт боллоо. Энэ нь Монголын шинэ үеийн уран бүтээлчид өөрийн хүч, чадвараараа олон улсын түвшинд хүлээн зөвшөөрөгдөн, улс орны нэрийг гаргаж байсан гэх том үйл явдал юм