Дэлхий
Арнольд Шварценеггер Оросын компаниас 10 сая ам.доллар нэхэмжиллээ
Калифорни мужийн 38 дахь амбан захирагч асан Арнольд Шварценеггер өөртэй нь ижил харагддаг робот бүтээсэн Орос компанийг шүүхэд өгчээ. Тэрбээр эхний ээлжинд 10 сая ам.доллар нэхэмжилж байгаа бөгөөд нэмэгдэж ч магадгүй хэмээн цахим хэвлэлүүд мэдээлжээ.
Оросын робот зохион бүтээгч Промобот компани өнгөрсөн нэгдүгээр сард Лас Вегаст болсон шоун дээр “Арни Андройд” нэртэй бүтээлээ танилцуулжээ. Тус робот Шварценеггертэй ижил төрхтэй төдийгүй дуу хоолой нь мөн төстэй аж.
Харин Промобот компанийн зүгээс алдарт жүжигчний нэр болон бусад зүйлсийг ер ашиглаагүй тул нэхэмжилсэн мөнгийг нь төлөх шаардлагагүй гэсэн байр суурьтай байгаа аж. Мөн робот одоо АНУ-д байгаа бөгөөд хүсвэл устгасан ч болох гэнэ. Компанийн хэвлэл мэдээллийн төлөөлөгчийн хэлснээр одоохондоо Шварценеггерийн хуулийн төлөөлөл албан ёсоор ирж уулзаагүй байгаа ажээ.
Промоботын цахим хуудаснаас харахад уг робот нь хүний асуултад хариулах, 600 гаруй нүүрний хувирал харуулах болон цөөн хэдэн хариу үйлдэл үзүүлэх чадвартай, 25 мянган ам.долларын үнэтэй аж. Захиалагч өөрөө хүсвэл тус роботыг ямар ч хүний царайтайгаар бүтээлгэж авах боломжтой гэнэ.
Шварценеггерийн хуулийн багийнхны тайлбарласнаар Промобот компани тус роботоо бүтээгээд удаагүй байхад буюу 2019 онд Шварценеггер Санкт Петербург хотод байж таарчээ. Энэ үеэр тус компанийнхан түүнийг роботтойгоо хамт зураг авуулах хүсэлт тавьж байсан ч хүлээж аваагүй аж.
Эх сурвалж: rt.com
Ли Чян эдийн засгийн форумын нээлтэд оролцож үг хэлэв
Дэлхийн роботын тулааны тэмцээн амжилттай өндөрлөлөө
Ши Жиньпин Фу Дань их сургуулийн 120 жилийн ойд баяр хүргэв
Номхон далайн арлын орнуудын Хятадын талаарх санал асуулгын жагсаалтыг гаргав
Боловсрол, шинжлэх ухаан технологи, боловсон хүчинд түшиглэсэн улс орноо хүчирхэгжүүлэх стратеги
П.Наранбаяр: Цалин нь бага учраас эрэгтэй багшийн тоо ихээхэн цөөрсөн
Ажлын таван өдөр УИХ-ын нэгдсэн чуулган бүтэн хуралдана
Ц.Лут-Очирын биед учирсан хохирлыг тогтоохоор шинжээч томилжээ
Бүгд Найрамдах Австри Улсын Ерөнхийлөгчийг албан ёсоор угтаж авлаа
Европын Лигийн шигшээ тоглолт: Тоттенхэм 2008 оноос хойших анхны цомоо хүртлээ
Б.Мөнгөнтуул, Б.Мөнгөнзул нар тэнцсэн ч тэмцээнийг тэргүүлж байна
“Сөүлийн найрамдлын фестиваль” олон улсын арга хэмжээ үргэлжилж байна
АН-ын бүлэг болон ЧУУЛГАН хуралдана
ХӨСҮТ | Улаанбурханы халдвар авсан 525 өвчтөн хэвтэн эмчлүүлж байна
