Хотын дарга шалган нэвтрүүлэх товчооны үйл ажиллагаатай танилцлаа

Шинэ коронавируст (COVID-19) халдвараас урьдчилан сэргийлэх, бэлэн байдлыг хангах ажлын хүрээнд Нийслэлийн Засаг дарга бөгөөд Улаанбаатар хотын захирагч С.Амарсайхан өнөөдөр Налайх дүүргийн шалган нэвтрүүлэх товчооны үйл ажиллагаатай танилцлаа. Авто тээврийн шалган нэвтрүүлэх товчоодын орох гарах урсгалыг тодорхой хугацаанд хязгаарлаж, улмаар гуравдугаар сарын 3-нд нээсэн бөгөөд энэ хэрээр ачаалал эрс нэмэгдээд байгаа юм.

Тиймээс тус товчоонд ажиллаж байгаа Хяналтын цэгт хүн, хүч нэмэн авто замын ачааллыг багасгах үүрэг чиглэлийг Налайх дүүргийн онцгой комисст өглөө.