Бага хүүтэй их мөнгө зээлдэгчдийн цувааг Ц.Анандбазар үргэлжүүлж байна

Олны анхаарлыг татсан авлигын хэргүүдийг шалгахаар прокуророос ажлын хэсэг гаргасан байна. Үүнд мэдээж “Үнэ тогтворжуулах хөтөлбөр” багтсан байгаа юм. Багагүй хугацаанд шалгагдсан ч өнөөдрийг хүртэл хариуцлага хүлээсэн хүнгүй байгаа эдгээр хэргүүдийн ард маш том эрх ашиг байгаа хэмээн хардах хэсэг олон байгаа юм.

АН-ыг  эрх барьж байх үед “Үнэ тогтворжуулах” хөтөлбөрийн хүрээнд мөнгө үйлдвэрлэж шатахууны компаниудад хөнгөлөлттэй зээл олгосон байдаг. Тодруулбал, төрөөс 13 компанид 3,8 хувийн хүүтэй нэг жилийн хугацаатай 192 тэрбум төгрөгийн санхүүжилт олгожээ.

Эндээс  “Сод Монгол групп” ХХК  гэхэд л 20 тэрбум 480 сая төгрөг зээлсэн байгаа юм. Гэвч энэ зээл төлөгдсөн эсэх нь баримтаар нотлогдоогүй байна. Тиймээс Ц.Анандбазар таны эзэмшлийн “Сод Монгол групп” ХХК   энэ зээлээ хэрхэн төлж барагдуулсан талаарх баримтаа олон нийтэд ил болгохыг шаардаж байна.