МАН-ын бага хурал цахимаар хуралдана

Монгол Ардын Намын бага хурал өнөөдөр 11:00 цагаас цахимаар хуралдана.

МАН-ын бага хурлаар 2020 оны УИХ-ын сонгуулийн мөрийн хөтөлбөрөө батлах болон цаг үеийн асуудлаар хуралдах юм. МАН бага хурлыг УИХ-ын дарга Г.Занданшатар, УИХ-ын гишүүн, УИХ дахь МАН-ын бүлгийн дэд дарга Б.Саранчимэг нар удирдан явуулна.

УИХ-ын сонгуулийн тухай хуулиар намууд мөрийн хөтөлбөрөө гуравдугаар сарын 25-ны дотор Үндэсний аудитын газар мөрийн хөтөлбөрөө хүргүүлэх ёстой. Хуулийн хугацаанд мөрийн хөтөлбөрөө хүргүүлэхээр намууд цахимаар хуралдаж байгаа юм.