Дэлхий
Умард Солонгосоос дүрвэж ирээд саятан болсон дипломатч Өмнөд Солонгосын парламентын сонгуульд өрсөлдөж байна
Умард Солонгосын дүрвэгчдийн дотроос хамгийн өндөр албан тушаал хашиж байсан хүн болох Тэ Ён Хо өнөөдөр Өмнөд Солонгосын парламентын сонгуульд гол сөрөг хүчний намаас нэр дэвшин өрсөлдөж байгаа юм.
Тэрээр Лондон хот дахь Умард Солонгосын элчин сайдын яамны дэд сайдаар ажиллаж байгаад 2016 онд эхнэр, хоёр хүүгийн хамт Өмнөд Солонгост дүрвэж иржээ.
Нэр дэвшигчээр бүртгүүлэхдээ Тэ Ён Хо 975 сая воны бэлэн мөнгө, 890 сая воны үл хөдлөх хөрөнгө, нийт $1.5 сая орчмын хөрөнгөтэй болохоо мэдүүлсэн байна.
Эрх баригч Солонгосын Ардчилсан Намын хэвлэлийн төлөөлөгч Пак Сан Мин саяхан Тэ Ён Хогийн баян тансаг амьдралыг шүүмжилж, хэрхэн хөрөнгөтэй болсноо тайлбарлахыг шаардсан юм.
Тэгвэл сөрөг хүчний Нэгдсэн Ирээдүй намын сонгуулийн хорооны тэргүүн Пак Хюн Жүн өчигдөр хэвлэлд ярихдаа өөрийн намын нэр дэвшигч Тэ Ён Хог өмгөөлсөн мэдэгдэл хийжээ.
“Тэ Ён Хо бол илтгэл тавих, ном бичих зэрэг хууль ёсны арга замаар хөрөнгөтэй болсон хүн. Энэ нь Өмнөд ба Умард Солонгосын эрс тэс ялгааг харуулж байна. Өмнөд Солонгост сайн хөдөлмөрлөвөл хэн ч баяжих боломжтой” гэж тэр тайлбарлажээ. Тэ Ён Хо 2018 оны тавдугаар сард өөрийн амьдралыг өгүүлсэн дурсамж номоо гаргасан нь Өмнөд Солонгост бэстселлэр болж байв.
Одоо 57 настай Тэ Ён Хо тус улсын хамгийн чинээлэг тойрог болох Сөүл хотын Ганнам дүүрэгт эрх баригч намаас дөрвөн удаа парламентад сонгогдож байсан Ким Сун Гонтой өрсөлдөж байгаа юм.
Эх сурвалж: Korea Times
Дэлхийн роботын тулааны тэмцээн амжилттай өндөрлөлөө
Ши Жиньпин Фу Дань их сургуулийн 120 жилийн ойд баяр хүргэв
Номхон далайн арлын орнуудын Хятадын талаарх санал асуулгын жагсаалтыг гаргав
Боловсрол, шинжлэх ухаан технологи, боловсон хүчинд түшиглэсэн улс орноо хүчирхэгжүүлэх стратеги
П.Наранбаяр: Цалин нь бага учраас эрэгтэй багшийн тоо ихээхэн цөөрсөн
Ажлын таван өдөр УИХ-ын нэгдсэн чуулган бүтэн хуралдана
Ц.Лут-Очирын биед учирсан хохирлыг тогтоохоор шинжээч томилжээ
Бүгд Найрамдах Австри Улсын Ерөнхийлөгчийг албан ёсоор угтаж авлаа
Европын Лигийн шигшээ тоглолт: Тоттенхэм 2008 оноос хойших анхны цомоо хүртлээ
Б.Мөнгөнтуул, Б.Мөнгөнзул нар тэнцсэн ч тэмцээнийг тэргүүлж байна
“Сөүлийн найрамдлын фестиваль” олон улсын арга хэмжээ үргэлжилж байна
АН-ын бүлэг болон ЧУУЛГАН хуралдана
ХӨСҮТ | Улаанбурханы халдвар авсан 525 өвчтөн хэвтэн эмчлүүлж байна
Элчин сайд А.Төмөрийг эргүүлэн татах бичгийг Ерөнхийлөгчид хүргүүлжээ
