Баянбүрдийн тойргоос Эх нялхас хүртэлх замыг хааж, зургаан эгнээ зам барина

Баянбүрдийн тойргоос Эх Нялхасын уулзвар хүртэлх 1.09 км авто замын ажил /Аюулгүйн тойргийн хамт/-ыг “Улаанбаатар зам засвар, арчлалтын газар” ОНӨААТҮГ 2020 оны дөрөвдүгээр сарын 15-ны өдрөөс гүйцэтгэж байна.

Шинэчлэлтийн ажлын хүрээнд авто замын хойд тал буюу Баянбүрдийн тойргоос-Эх Нялхасын зүүн урд уулзвар хүртэлх 0.6 км авто замын тээврийн хэрэгслийн хөдөлгөөнийг энэ сарын 29-нөөс төвдугаар 11-ний хооронд хязгаарлаж, шугам сүлжээний сэтгэлгээ, хуучин хучилтыг дахин боловсруулах, хоёр үе асфальтбетон хучилт, хэвтээ тэмдэглэгээний ажлуудыг хийнэ.

Шинэчилснээр 3.75 м өргөн зургаан эгнээ авто зам, хоёр талаараа явган хүний зам шинээр барина. Мөн Баянбүрдийн тойргийн зорчих хэсгийг бүрэн шинэчилнэ.

Тухайн авто зам нь 1988-1989 онд баригдаж байсан бөгөөд өнөөдрийг хүртэл нийт замын уртад бүрэн шинэчлэлт хийгдэж байгаагүй юм байна.

Шинэчилснээр 3.75 м өргөн зургаан эгнээ авто зам, хоёр талаараа явган хүний зам шинээр барина. Мөн Баянбүрдийн тойргийн зорчих хэсгийг бүрэн шинэчилнэ.

Цаашид авто замын урд тал буюу Эх Нялхасын зүүн урд уулзвараас Баянбүрдийн тойрог хүртэлх 0.6 км авто зам болон Баянбүрдийн тойргийн тээврийн хэрэгслийн хөдөлгөөнийг шат дараатай хязгаарлах болно.

Хөдөлгөөн хязгаарлах хугацаанд авто замын нэг урсгалыг хааж, эсрэг чиглэлд хөдөлгөөн зохион байгуулалтыг хийх тул зорчигч та бүхэн авто замын ачааллыг тооцон хөдөлгөөнд оролцохыг уриалж байна.

Эх сурвалж: Нийслэлийн Авто Замын Хөгжлийн Газар