Дэлхий
Төвдийн ойролцоо хил дээр Хятад, Энэтхэгийн цэргүүд нударга зөрүүлжээ
Төвдийн ойролцоох өндөр уулын хилийн гарам дээр Хятад, Энэтхэгийн хэд хэдэн цэрэг оролцсон зодоон болсон тухай Энэтхэгийн арми Ням гарагт мэдээлжээ.
Хоёр улс 1962 онд Энэтхэгийн зүүн хойд Аруначал Прадеш мужийн нутагт дайтсанаасаа хойш байнгын хилийн маргаантай байгаа юм.
“Хоёр талын цэргүүд маргалдаж, мөргөлдөөн үүсгэснээс цөөн тооны цэрэг хөнгөн шархдсан байна. Эхлээд чулуу нүүлгэлцэж, дараа нь гар зөрүүлсний эцэст маргаан өндөрлөжээ” гэж Энэтхэгийн армийн зүүн тойргийн командлалын хэвлэлийн төлөөлөгч Мандеп Худа өчигдөр мэдэгджээ.
Хамгийн сүүлд 2017 онд Энэтхэгийн баруун хойд Ладак мужийн хил дээр хоёр талын цэргүүд бага хэмжээний мөргөлдөөн үүсгэж байв.
Тухайн онд Бутаны Доклам мужийн нутагт ойр хил дээр Хятадын цэргүүд авто замын ажил эхлүүлснийг зогсоохоор Энэтхэгийн тал цэрэг илгээж байжээ.
Хилийн мөргөлдөөн гарахын өмнөх өдөр буюу Бямба гарагт Балба улс маргаантай газар нутагт авто замын төсөл эхлүүлсэн Энэтхэг улсын эсрэг мэдэгдэл гаргасан юм.
Баасан гарагт Энэтхэгийн батлан хамгаалахын сайд Ражнат Сингх хоёр улсын дунд маргаантай байдаг Кайлаш-Мансароварын нутагт 80 км авто зам тавих төслийн нээлтийн ажиллагаанд оролцжээ.
Кайлаш Мансаровар нь Энэтхэг, Балба, Төвд гурвын хилийн уулзварт оршдог стратегийн хувьд чухал ач холбогдолтой газар нутаг юм.
Энд Хинду шашны ариун газар байдаг.
1962 онд Энэтхэг-Хятадын хооронд богино хугацаанд үргэлжилсэн дайны дараа энэхүү газар нутаг Энэтхэгийн хяналтад шилжсэн юм. Харин Балба улсын засгийн газар Кайлаш-Мансароварыг өөрийн газар нутаг гэж үздэг.
2015 онд Балбын засгийн газар өөрийг нь оролцуулалгүйгээр Энэтхэг, Хятад улсууд хилийн маргаанаа шийдсэнийг эсэргүүцсэн мэдэгдэл гаргаж байв.
Эх сурвалж: Associated Press
Хятадын оюутнуудын эсрэг хориг — Америкийн өөрийн хөгжилд сүүдэр хаяж байна
АНУ боловсролыг “боомилж” байна
Ли Чян эдийн засгийн форумын нээлтэд оролцож үг хэлэв
Дэлхийн роботын тулааны тэмцээн амжилттай өндөрлөлөө
Ши Жиньпин Фу Дань их сургуулийн 120 жилийн ойд баяр хүргэв
Номхон далайн арлын орнуудын Хятадын талаарх санал асуулгын жагсаалтыг гаргав
Боловсрол, шинжлэх ухаан технологи, боловсон хүчинд түшиглэсэн улс орноо хүчирхэгжүүлэх стратеги
П.Наранбаяр: Цалин нь бага учраас эрэгтэй багшийн тоо ихээхэн цөөрсөн
Ажлын таван өдөр УИХ-ын нэгдсэн чуулган бүтэн хуралдана
Ц.Лут-Очирын биед учирсан хохирлыг тогтоохоор шинжээч томилжээ
Бүгд Найрамдах Австри Улсын Ерөнхийлөгчийг албан ёсоор угтаж авлаа
Европын Лигийн шигшээ тоглолт: Тоттенхэм 2008 оноос хойших анхны цомоо хүртлээ
Б.Мөнгөнтуул, Б.Мөнгөнзул нар тэнцсэн ч тэмцээнийг тэргүүлж байна
“Сөүлийн найрамдлын фестиваль” олон улсын арга хэмжээ үргэлжилж байна
