Дэлхий
Төвдийн ойролцоо хил дээр Хятад, Энэтхэгийн цэргүүд нударга зөрүүлжээ
Төвдийн ойролцоох өндөр уулын хилийн гарам дээр Хятад, Энэтхэгийн хэд хэдэн цэрэг оролцсон зодоон болсон тухай Энэтхэгийн арми Ням гарагт мэдээлжээ.
Хоёр улс 1962 онд Энэтхэгийн зүүн хойд Аруначал Прадеш мужийн нутагт дайтсанаасаа хойш байнгын хилийн маргаантай байгаа юм.
“Хоёр талын цэргүүд маргалдаж, мөргөлдөөн үүсгэснээс цөөн тооны цэрэг хөнгөн шархдсан байна. Эхлээд чулуу нүүлгэлцэж, дараа нь гар зөрүүлсний эцэст маргаан өндөрлөжээ” гэж Энэтхэгийн армийн зүүн тойргийн командлалын хэвлэлийн төлөөлөгч Мандеп Худа өчигдөр мэдэгджээ.
Хамгийн сүүлд 2017 онд Энэтхэгийн баруун хойд Ладак мужийн хил дээр хоёр талын цэргүүд бага хэмжээний мөргөлдөөн үүсгэж байв.
Тухайн онд Бутаны Доклам мужийн нутагт ойр хил дээр Хятадын цэргүүд авто замын ажил эхлүүлснийг зогсоохоор Энэтхэгийн тал цэрэг илгээж байжээ.
Хилийн мөргөлдөөн гарахын өмнөх өдөр буюу Бямба гарагт Балба улс маргаантай газар нутагт авто замын төсөл эхлүүлсэн Энэтхэг улсын эсрэг мэдэгдэл гаргасан юм.
Баасан гарагт Энэтхэгийн батлан хамгаалахын сайд Ражнат Сингх хоёр улсын дунд маргаантай байдаг Кайлаш-Мансароварын нутагт 80 км авто зам тавих төслийн нээлтийн ажиллагаанд оролцжээ.
Кайлаш Мансаровар нь Энэтхэг, Балба, Төвд гурвын хилийн уулзварт оршдог стратегийн хувьд чухал ач холбогдолтой газар нутаг юм.
Энд Хинду шашны ариун газар байдаг.
1962 онд Энэтхэг-Хятадын хооронд богино хугацаанд үргэлжилсэн дайны дараа энэхүү газар нутаг Энэтхэгийн хяналтад шилжсэн юм. Харин Балба улсын засгийн газар Кайлаш-Мансароварыг өөрийн газар нутаг гэж үздэг.
2015 онд Балбын засгийн газар өөрийг нь оролцуулалгүйгээр Энэтхэг, Хятад улсууд хилийн маргаанаа шийдсэнийг эсэргүүцсэн мэдэгдэл гаргаж байв.
Эх сурвалж: Associated Press
Д.Трамп “Долоогийн бүлэг”-ийн уулзалтыг төлөвлөснөөс эрт орхин явна
Энэ жилээс нийслэлийн өдөр, даншиг наадмыг хамт зохион байгуулна
Ираны төрийн телевизийг шууд дамжуулалтын үеэр бөмбөгдөв
Хотон шувууны хошуу зарж, худалдахыг завдсан этгээдэд ял оноожээ
Трамп “T1” ухаалаг утсаа танилцуулж байна
Энэ онд 105 мянга гаруй өрхийг шатдаг хийн түлшинд холбоно
Дуучин Г.Маргадын “Soul Mantra” дуу Берлиний наадмаас “Шилдэг дуу” шагнал хүртжээ
ЭЗБХ-ны гишүүд ОУВС-гийн Монгол Улсыг хариуцсан ажлын хэсгийн төлөөлөгчидтэй уулзжээ
Дундаж нэрлэсэн цалин 2.6 сая төгрөгт хүрчээ
Хакүхог дагаж түрүү бөхийн цагаан машиныг Холбоонд үйлчлүүлэхийг зогсоох уу?
Шэрки: Би “Манчестер Юнайтед”-ыг ****-ыг хүсч байна
Улаанбурхан өвчний улмаас дахин нэг хүүхэд энджээ
“The Times”-ын мэдээллийн цаад эздийг тогтоохыг хүлээж байна
Сонгинохайрхан дүүрэгт цогцолбор барилга ашиглалтад орлоо
