АН: Эрх баригчид амьдралд бодитоор хэрэгжих ажил хийгээгүй

УИХ дахь Ардчилсан намын бүлэг өнөөдөр хуралдлаа.

Нэгдүгээрт: Энэ долоо хоногт УИХ-ын чуулганы нэгдсэн хуралдаан хаахтай холбогдуулан хэлэлцэх асуудлуудыг хэлэлцэн ярилцав.  Мөн Эдийн засгийн нөхцөл байдал болон өргөн хэрэглээний барааны үнийн өсөлтийн тухай сонслоо. Зарим нэр төрлийн бүтээгдэхүүний үнэ огцом нэмэгдэж байна. Ялангуяа барилгын материалын үнийн хөөрөгдөл байгаа тухай албаныхан мэдэгдэв. Цаашид үнийн өсөлттэй холбогдуулан анхаарч мэдээлэл өгөх нь зүйтэй гэв.

Хоёрдугаарт: Коронавируст халдварын цар тахлын улмаас иргэдийн эдийн засгийн хүндрэлийг даван туулах тулгамдсан асуудлыг хууль эрх зүйн хүрээнд, зөв зохистой арга хэмжээ хэрэгжүүлэх нь чухал.

Гэвч эрх баригчдын сонгуульд зориулсан худал амлалт, үр дүнгүй үйл ажиллагаа цаашид улсын эдийн засгийн нөхцөл хэрхэн нөлөөлөх тухай хэлэлцэв. Эрх баригчид коронавируст халдварын үеэр бодит амьдралд  хэрэгжих ажил хийгээгүй бөгөөд эдийн засгийн нөхцөл  улам бүр хүндэрч байгаа нь мэдэгдэж байна. Тиймээс  коронавурист цар тахлын үеэр эдийн засгийн байдалтай холбоотой авч хэрэгжүүлж буй эрх баригчдын ажилд үнэлэлт өгөх, эрсдэлээс урьдчилан сэргийлэх ажлын хэсгийг байгуулан ажиллахаар болсон байна.