Премьер лиг зургаадугаар сарын 17-нд эхэлнэ

Английн Премьер лигийн хувьцаа эзэмшигчид өнөөдөр хуралдаж лигийг үргэлжлүүлэн явуулах өдрийг тохирч зургаадугаар сарын 17-нд товлолоо.

Коронавирусийн улмаас хоёр сар гаруй хугацаанд завсарлаад байсан 2019-2020 оны Премьер лигийн улирал дахин эхлэх бэлтгэлээ хоёр долоо хоногийн өмнөөс хангаж эхлээд байсан юм.

Лигийн цомын хүрээнд тоглох байсан Астон Вилла – Шеффилд Юнайтед, Манчестер Сити – Арсенал гэсэн тоглолтууд зургаадугаар сарын 17-нд болох бол лигийн тойргийн тоглолтууд зургаадугаар сарын 19-нөөс эхлэх аж.

Хаалттай болох нийт 92 тоглолтыг ба Sky Sports, BT Sport, BBC Sport, Amazon Prime шууд дамжуулна.

Премьер лигийн гүйцэтгэх захирал Ричард Мастерс “Тоглолтууд хаалттай, үзэгчгүй болох тул шууд дамжуулалтаар аль болох олон хүнд хүргэхийг хүсэж байна. Тиймээс тоглолтуудын цагийн хуваарь уламжлалт хуваариас өөр байх болно” гэв.