Энтертайнмент

Премьер лигийн 25-р тойргийн өмнөх статистик

Нийтэлсэн

5 жил өмнө

2020-01-31

Нийтлэлч

Админ

Премьер лигийн 25 дугаар тойрог ирэх бямба гарагт эхэлнэ. Ливерпүүл клубийн дээд амжилтууд болоод Уотфорд клуб, Брендан Рожерс нарын сонирхолтой баримтуудыг дурдсан тойргийн өмнөх статистик мэдээллийг хүргэж байна.

Хоёрдугаар сарын 1. 20:30 цаг. Лестер Сити – Челси

Брендан Рожерс дасгалжуулагч Челси клубийн эсрэг 14 тоглохдоо нэг ч удаа хожиж үзээгүй.

23:00 цаг. Борнмут – Астон Вилл

Астон Вилла клуб энэ улиралд толгойгоороо гоол оруулаагүй цорын ганц баг.

Кристал Палас – Шеффилд Юнайтед

Шеффилд Юнайтед клуб Премьер лигийн хүрээнд Лондон хотод 20 тоглолт хийхдээ нэг ч хожоогүй.

Ливерпүүл – Саутхемптон

Данни Ингс, Ливерпүүл клубийн талбайд болоод эсрэг багийн талбайд Ливерпүүлийн эсрэг гоолдсон гурав дахь тоглогч болох боломжтой. Түүний өмнө Дин Саундерс, Жонжо Шелви нар гоолдож байсан.

Ньюкасл – Норвич Сити

Норвич Сити клуб энэ улиралд чөлөөт цохилтоос гоолдож чадаагүй цор ганц баг. Харин Ньюкасл клуб энэ улиралд чөлөөт цохилтоос 6 гоол оруулсан нь бусад бүх багийг тэргүүлэх үзүүлэлт.

Уотфорд – Эвертон

Хэрэв Уотфорд хожвол өөрсдийн түүхэндээ анх удаа нэг багийг талбайдаа 4 тоглолт дараалан хожсон гэх амжилтыг үзүүлнэ.

Уэст Хэм – Брайтон

Уэст Хэм клубийн хожлын хувь хоёрдугаар сард хамгийн их байдаг. Тэд хоёрдугаар сард 77 тоглохдоо 42 хувьтай буюу 32 хожиж байсан.

Хоёрдугаар сарын 2. 01:30 цаг. Манчестер Юнайтед – Уолвес

Мейсон Гринвүүд энэ улиралд бүх тэмцээнийг оролцуулаад Манчестер Юнайтед клубийн төлөө, талбай дээрээ 8 гоол хийсэн. Зөвхөн Маркус Рашфорд түүнээс их буюу 13 гоол хийсэн юм.

22:00 цаг. Бөрнли – Арсенал

Шон Дайч Арсеналын эсрэг хийсэн 9 тоглолтдоо бүгдэд нь хожигдсон. Түүнтэй адил нэг багийн эсрэг 100 хувь хожигддог үзүүлэлттэй хоёр дасгалжуулагч байдаг нь Манчестер Сити клубийн эсрэг Эдди Хоу, Ливерпүүл клубийн эсрэг Гари Мегсон

Хоёрдугаар сарын 3. 00:30 цаг. Тоттенхэм – Манчестер Сити

Манчестер Сити клуб эсрэг багийн талбайд тасралтгүй 23 тоглолт дараалан гоол оруулаад байна. Тэдний энэ амжилт лигт хоёрт бичигддэг ба дээр нь 2002 оны улиралд 27 тоглолт дараалан гоол оруулсан Арсенал клуб бичигддэг.