“Бүтээн байгуулалт 2020” олон улсын үзэсгэлэнг ирэх сарын 23,24-нд зохион байгуулна

Build Mongolia 2020 буюу Бүтээн байгуулалт 2020 барилга хот байгуулалт, зам тээвэр, эрчим хүч, уул уурхайн салбаруудыг багтаасан олон улсын үзэсгэлэнг энэ оны 10 дугаар сарын 23-24-ний өдрүүдэд Мишээл экспо төвд зохион байгуулна.

Монгол улсын бүтээн байгуулалт дэд бүтцийн хамгийн чухал салбаруудын төлөөлөл нэгэн дээвэр дор цугларч хоёр өдрийн турш бараа материал, техник технологио дэлгэн үзүүлэхээс гадна салбаруудад тулгамдаж буй асуудлын талаар семинар зөвлөгөөн явуулна.

Бүтээн байгуулалт 2020 үзэсгэлэнгийн гол зорилго дэлхийн дэвшилтэт технологийг Монгол орондоо нэвтрүүлэхэд оршиж байна. Одоогийн байдлаар дотоодын барилга, зам, эрчим хүч, уул уурхайн салбарын компаниуд оролцохоор бүртгүүлээд байна.

Бүтээн байгуулалт 2020 олон улсын үзэсгэлэнд оролцож барилга, зам тээвэр, эрчим хүч, хүнд үйлдвэрийн салбаруудад бүтээгдэхүүн, үйлчилгээгээ сурталчлан, үр дүнтэй бизнесийн харилцаа тогтоон, бизнесээ өргөжүүлэхийг хүссэн хэн бүхнийг урьж байна.

Дэлгэрэнгүй мэдээллийг 77773010 дугаараас болон: www.buildmongolia.com веб сайтаас авна уу.