“Хятадын шинэ цаг эриний эрчим хүчний хөгжил” цагаан номыг нийтлэв

21-нд, Хятадын Төрийн зөвлөлийн хэвлэлийн алба “Хятадын шинэ цаг эриний эрчим хүчний хөгжил” цагаан номыг нийтлэв.

Цагаан номд: Хятад улс эрчим хүчний хувьсгалыг эрс хэлбэрэлтгүй урагшлуулж, эрчим хүчний үйлдвэрлэл, ашиглалтын хэлбэрт чухал өөрчлөлт бий болж, эрчим хүчний хөгжил түүхэн чухал амжилтад хүрэв. Эрчим хүчний үйлдвэрлэл болон хэрэглээний бүтэц улам сайжруулж, эрчим хүчийг ашиглах үр ашиг илэрхий дээшилж, үйлдвэрлэл амьдралд эрчим хүчийг ашиглах нөхцөл сайжран, эрчим хүчний аюулгүй байдлыг баталгаажуулах чадвар улам эрчимжсэнээр эдийн засгийн өндөр чанартай хөгжилд үйлчлэх, ядуурлаас бүрэн ангижруулах болон дундаж чинээлэг нийгмийг байгуулахад чухал тулгуур болов гэжээ.

Хятад улс инновац, зохицуулалт, ногоон, нээлттэй, хуваалцах хөгжлийн шинэ үзэл баримтлалыг тууштай баримтлан, чансаатай хөгжлөөр гол болгож, бүтцийн өөрчлөлтийг гүнзгийрүүлэн, эрчим хүчний хэрэглээний хэлбэрт өөрчлөлт оруулж, цэвэр эрчим хүчний олон талт хангамжийн системийг байгуулж, инновациар хөдөлгүүр болгосон хөгжлийн стратегийг хэрэгжүүлэн, эрчим хүчний тогтолцооны өөрчлөлтийг улам гүнзгийрүүлэн, эрчим хүчний салбар дахь олон улсын хамтын ажиллагааг дэмжиж, Хятадын эрчим хүчийг чансаатай хөгжлийн шинэ шатанд гаргав хэмээн цагаан номд тэмдэглэжээ.

Цагаан номд дурдахдаа, цаг уурын өөрчлөлт, байгаль орчны эрсдэл сорилт, эрчим хүчний нөөц хязгаарлагдмал зэрэг өдөр ирэх тусам дэлхий нийтэд тулгамдаж буй асуудалд хандан Хятад улс хүн төрөлхтний хувь заяаны хамтын цогцын үзэл баримтлалыг бий болгож, нийгэм, эдийн засгийн хөгжлийг ногоон хөгжлийн замд оруулан, дотоодынхоо цэвэр эрчим хүч, нүүрстөрөгч багатай хөгжлийг дэмжихийн зэрэгцээ дэлхийн эрчим хүчний засаглалд идэвхтэй оролцож, улс орнуудын хамт дэлхийн эрчим хүчний тогтвортой хөгжлийн шинэ замыг нээхийн тулд зүтгэж байна. Шинэ цаг эриний Хятадын эрчим хүчний хөгжил нь Хятадын нийгэм, эдийн засгийн тогтвортой эрүүл хөгжилд хүчтэй дэмжлэг үзүүлж, дэлхийн эрчим хүчний аюулгүй байдлыг хамгаалах, дэлхийн цаг уурын өөрчлөлтөд хариу арга хэмжээ авах, дэлхийн эдийн засгийн өсөлтийг дэмжихэд нааштай хувь нэмэр оруулж байна гэжээ.