Жо Байден 200 сая тун вакцины шинэ зорилт дурджээ

Тухайн орон нутгийн цагаар 25-нд АНУ-ын ерөнхийлөгч Жо Байден ерөнхийлөгч болсныхоо дараах анхны хэвлэлийн бага хурал дээрээ тушаалд орсныхоо эхний 100 хоногийн вакцинжуулалтын шинэ зорилтыг зарлажээ. Тухайлбал 4-р сарын 30-наас өмнө 200 сая тун вакцин тарина гэжээ. Тэрээр “Энэ бол маш амаргүй ажил гэдгийг би мэдэж байна, учир нь уулын зорилтын хоёр дахин болсон. Гэхдээ бид үүнийг биелүүлж чадна гэдэгт итгэлтэй байна” гэв.

Өдгөө АНУ-ын муж улсууд 130 сая тун вакцин тарьсан бөгөөд нийт Америкийн хүн амын 14% хувь нь вакцинжуулалтад хамрагджээ. Үүний зэрэгцээ, 5-р сарын сүүлч гэхэд Америкийн насанд хүрсэн 260 сая орчим хүмүүс вакцин тариулахад хангалттай вакцин үйлдвэрлэх болно гэдгээ Pfizer, Moderna, Johnson & Johnson зэрэг компани мэдэгджээ.

АНУ-ын албаны хүн хэлэхдээ, тус орны вакцины нийлүүлэлт удахгүй эрэлт хэрэгцээнээс давах болно. Тэр үед хамгийн гол санаа зовох асуудал бол вакцин хүрэлцэхгүй байх явдал биш, харин вакцинд хамрагдах эсэхдээ эргэлзээтэй байгаа хүмүүсийг хэрхэн ятгаж вакцин тариулах, мөн илүүдсэн вакциныг хэрхэн шийдвэрлэх явдал болно гэжээ.

Вакцинжуулалтыг түргэтгэсэн боловч хаврын амралт хүрч ирж буйн улмаас Америкийн халдварын нөхцөл байдал дахин огцом нэмэгдэх магадлал бий болжээ. Америкийн халдварын тохиолдол сүүлийн хэдэн хоногт зохих хэмжээгээр нэмэгдсэн тухай АНУ-ын Өвчин хижгийн хяналт сэргийлэлтийн төвийн дарга Рочелле Валенскай 24-нд сэрэмжлүүлсэн юм.