Бах ХТРТ-ийн Олимпийн сувгийг сайшаав

CCTV-ийн мэдээ: ОУОХ-ны ерөнхийлөгч Бах саяхан Хятадын Төв Радио Телевизийн захирал Шэнь Хайшюнд захидал илгээн, CCTV Олимпийн сувгийн гайхалтай амжилтыг магтаж, олимпийн үзэл санааг түгээн дэлгэрүүлэх, сурталчлах үйлсэд хүчин чармайлт гаргаж байгаад талархал илэрхийлэв.

Бах захидалдаа, CCTV-ийн Олимпийн суваг Хятадын үзэгчдийн анхаарлыг ихэд татаж, асар их амжилтанд хүрсэнд маш баяртай байна. ХТРТ нь 2022 оны Бээжингийн Өвлийн Олимпийн наадмаас өмнө Олимпийн сувгийг ажиллуулж, олимпийн үзэл санааг түгээн дэлгэрүүлэх, сурталчлах талаар олон хүчин чармайлт гаргасанд бид гүнээ талархаж байна. Удахгүй болох Бээжингийн өвлийн олимпийн уур амьсгалыг бүрдүүлэхийн тулд ХТРТ нь Бээжингийн Өвлийн Олимпийн наадмыг зохион байгуулах хороо, Хятадын Олимпийн хороотой хамтран цуврал арга хэмжээ зохион байгуулж байгааг сонсоход таатай байна.Олон улсын олимпийн хороо үүнд эерэг хандлагатай байгаа бөгөөд идэвхтэй дэмжинэ гэжээ.

2021 оны 10-р сарын 25-нд нээлтээ хийснээсээ хойш CCTV Олимпын суваг болон түүний дижитал платформ нь 2021 оны 10-р сарын 25-нд нэвтрүүлэг цацаж эхэлснээс хойш хөтөлбөрийн баялаг агуулга, сонирхолтой тэмцээний онцлох үйл явдлууд, залуу овортой, олон улсын үзүүлэнгээрээ үзэгчдийн анхаарлыг татаж байгаа юм. Одоогоор тус сувгийг Хятадын 31 муж хот, өөртөө засах оронд хандан ажиллуулж, 300 сая орчим IPTV хэрэглэгч, 146 сая кабелийн сүлжээ хэрэглэгчтэй байна. Бээжингийн Өвлийн Олимпийн наадмын үеэр тус суваг Макаод мөн цацагдана.