Нийгэм
Монгол Улсад жуулчлах гадаадын зарим улсын иргэдийг визийн шаардлагаас түр чөлөөллөө
Засгийн газраас “2023-2024 оныг “Монголд зочлох жил” болгон зарласан.
Үүнтэй холбогдуулан гадаадын жуулчдыг татах, зорчих нөхцөлийг хөнгөвчлөх хүрээнд, Монгол Улсад жуулчлах зорилгоор 30 хүртэл хоногоор ирэх гадаадын 34 улсын иргэнийг 2023-2025 оныг дуустал 3 жилийн хугацаанд визийн шаардлагаас түр чөлөөлөх шийдвэрийг Засгийн газрын энэ сарын 4-ний өдрийн хуралдаанаас гаргалаа.
Үүнд, манай улсыг зорин ирдэг жуулчдын тоогоор тэргүүлдэг, дэлхийн өндөр хөгжилтэй Европын 32 улс, Австрали, Шинэ Зеланд Улс хамаарч байна.
Дээрх 34 улсын иргэдийг визийн шаардлагаас чөлөөлснөөр аялал жуулчлалын салбарыг хөгжүүлэх, эдийн засгийг сэргээх, мөн Монгол Улсын иргэдийн зорчих нөхцөлийг хөнгөвчлөх яриа хэлэлцээг үргэлжлүүлэхэд тодорхой түлхэц үзүүлэх ач холбогдолтой юм.
Уг шийдвэр батлагдсанаар манай улсад визгүй зорчдог улсын тоо гучин дөрвөөр нэмэгдэж, жаран нэг болж байна.
Монгол Улсад 30 хүртэл хоногийн хугацаагаар жуулчлах иргэдийг нь 2023-2025 онд визийн шаардлагаас чөлөөлөх улсын жагсаалт:
- Бүгд Найрамдах Австри Улс
- Бельгийн Хаант Улс
- Унгар Улс
- Бүгд Найрамдах Грек Улс
- Данийн Хаант Улс
- Испанийн Хаант Улс
- Бүгд Найрамдах Итали Улс
- Бүгд Найрамдах Латви Улс
- Бүгд Найрамдах Литва Улс
- Лихтенштайны Хаант Улс
- Люксембургийн Их Гүнт Улс
- Бүгд Найрамдах Мальт Улс
- Нидерландын Хаант Улс
- Бүгд Найрамдах Польш Улс
- Бүгд Найрамдах Португал Улс
- Бүгд Найрамдах Словак Улс
- Бүгд Найрамдах Словени Улс
- Бүгд Найрамдах Финланд Улс
- Бүгд Найрамдах Франц Улс
- Бүгд Найрамдах Хорват Улс
- Бүгд Найрамдах Чех Улс
- Шведийн Хаант Улс
- Бүгд Найрамдах Эстони Улс
- Норвегийн Хаант Улс
- Бүгд Найрамдах Исланд Улс
- Швейцарын Холбооны Улс
- Бүгд Найрамдах Болгар Улс
- Бүгд Найрамдах Ирланд Улс
- Бүгд Найрамдах Кипр Улс
- Румын Улс
- Монакогийн Хаант Улс
- Их Британи, Умард Ирландын Нэгдсэн Хаант Улс
- Австралийн Холбооны Улс
- Шинэ Зеланд Улс
Эх сурвалж: Гадаад харилцааны яам
Ши Жиньпин: Өндөр чанартай бүтээн байгуулалт, өндөр үр ашигтай засаглалыг ахиулах ёстой
Гамшгаас урьдчилан сэргийлэх, бууруулах нийтийн халамжийн төслийн үр дүнг Бээжинд нийтлэв
Ши Жиньпин Хэнань мужийн Лөүян холхивч группийн ХХК-д зочлов
Ши Жиньпин Хэнань мужид ажиллаж байна
Дархан-Уул аймагт улаанбурхан өвчний зургаан тохиолдол бүртгэгджээ
Ерөө суманд гарсан ойн түймрийг бүрэн унтраалаа
Б.Жавхлан: Ирэх жилийн эдийн засгийн тэлэлт, экспортын орлого энэ жилийнхээс буурахгүй
Монголын хоёр уулчин Эверестийн оргилд АМЖИЛТТАЙ гарлаа
Ашигт малтмалын тухай хуулийн төсөл боловсруулах ажлын хэсгийн хуралдана
Цэргийн урлагийн танхимыг шинэ технологитой хослуулна
Х.Баттулга гишүүн чөлөө авч, 26 гишүүн гадаад томилолттой байжээ
Б.Дэлгэрсайхан: Энэ төсөл нэг өдрийн өмнө ч гэсэн эхэлбэл бидэнд үнэ цэнтэй
Колумбын Ерөнхийлөгч Петро Пиерро ХТРТ-д ярилцлага өглөө
NBA-гийн аварга болж чадалгүй карьераа өндөрлүүлсэн 5 домогт сагсчин
