“Itech Mongolia 2023” Мэдээлэл технологи, инновацын үзэсгэлэн зохион байгуулагдах гэж байна

Улс орны нийгэм, эдийн засгийг түүчээлэн, хөгжлийг хурдасгагч Мэдээлэл технологийн салбарын шилдгүүд “iTech Mongolia 2023” Олон улсын арга хэмжээнд нэгдэн чуулах гэж байна.

Цахим Хөгжил, Харилцаа Холбооны яамны дэмжлэгтэйгээр зохион байгуулагдаж буй уг арга хэмжээнд харилцаа холбоо, мэдээллийн технологи, инновац, мэдээллийн аюулгүй байдал, автоматжуулалт, программ хангамж, АI болон Финтек чиглэлээр үйл ажиллагаа явуулдаг дотоодын болон гадаадын компани, вендор, брэнд, старт ап – ууд оролцож өөрсдийн үйл ажиллагаа, бүтээгдэхүүн, үйлчилгээгээ нийт оролцогч болон олон нийтэд дэлгэрэнгүй танилцуулах бөгөөд олон улсын хөрөнгө оруулагчидтай холбоо тогтоож стратегийн түншлэл, гэрээ хэлцэл хийх өргөн боломжийг “iTech Mongolia 2023” олгож байгаа юм.

Үзэсгэлэнгээр зочилсноор дэлхий даяар болж буй хамгийн сүүлийн үеийн техник технологийн дэвшлийг та нэг дороос харах боломж бүрдлээ. Үзэсгэлэнгийн 2 дахь өдөр буюу 4 сарын 15-нд үзэсгэлэнд оролцож байгаа компаниудын дунд ( E-Sport ) цахим спортын тэмцээн зохион байгуулагдах гэж байгааг дуулгахад таатай байна.

2023 оны 4-р сарын 14-16-ны хооронд Steppe Arena-д зохион байгуулагдах Мэдээллийн технологи, харилцаа холбооны салбарын чиг хандлага, ач холбогдлыг таниулах “iTech Mongolia 2023’ Олон улсын арга хэмжээнд таныг урьж байна.