Дэлхий
Саятнуудын тоогоор Сингапур Хонконгийг гүйцэж түрүүлжээ
Санхүүгийн хүчин чадлаараа байнга өрсөлддөг Азийн хоёр хотын эрэмбэ солигджээ.
Henley & Partners болон New World Wealth компаниудын өчигдөр гаргасан жагсаалтад 2012-2022 оны хооронд Хонконгийн саятнуудын тоо 27 хувиар буурч, 129,500 болсон бол ижил хугацаанд Сингапурын саятнуудын тоо 40 хувиар нэмэгдэж, 240,100 хүрснийг харуулсан байна.
2012 онд саятнуудын тоогоор Хонконг дэлхийн хотуудын дотор дөрөвдүгээрт эрэмбэлэгдэж байсан бол одоо долдугаарт буюу Сингапураас хоёр байрын доор жагсах болжээ.
Бээжингийн эрх баригчдын явуулж буй хатуу бодлого Хонконгоос саятнуудыг дүрвэхэд хүргэсэн гэж үзэж байна.
Нэг саяас дээш хөрөнгөтэй 340,000 оршин суугчтай АНУ-ын Нью-Йорк хот дэлхийд тэргүүлж, араас нь Японы Токио, Калифорни мужийн Бэй Ареа, Лондон, Сингапур хотууд удаалжээ.
Нийлбэр үзүүлэлтээр дэлхийн хамгийн баян 50 хотын жагсаалтын 10-ыг АНУ-ын хотууд эзэлсэн байна.
Дараа нь уг жагсаалтад таван хоттой Хятад улс, дөрвөн хоттой Австрали улс удаалжээ.
Харин тэрбумтнуудын тоогоор жагсаахад Бэй Ареа 63 тэрбумтнаар дэлхийн хотуудыг тэргүүлж, араас нь Нью-Йорк, Бээжин, Лос-Анжелес, Шанхай эхний таван байранд орсон байна.
Өнгөрсөн 10 жилийн хугацаанд хөрөнгө нь хамгийн их өссөн баян оршин суугчидтай хотоор Хятадын Ханьжоу шалгарчээ. Тус хотын саятнуудын хөрөнгө энэ хугацаанд 105 хувиар өссөн байна. Дараа нь 102 хувийн өсөлттэй АНУ-ын Техас мужийн Остин хот жагсжээ.
Украины дайн Оросын нийслэлээс баячуудыг зугтахад хүргэсэн нь дээрх жагсаалтаас бас харагдсан байна.
Тухайлбал Москваг өөрийн суугуул хот гэж нэрлэдэг саятнуудын тоо 10 жилийн өмнөхөөс 44 хувиар буурсан бол Санкт-Петербург хотынх 38 хувиар буурчээ.
Эх сурвалж: Bloomberg
Ши Жиньпин ОХУ-ын хэвлэлд гарын үсэгтэй нийтлэл нийтлэв
Ши Жиньпиний ОХУ-д хийх айлчлалын утга учрыг гурван одон медалиар өгүүлэх нь
П.Сайнзориг: Хороо гэх статусыг ашиглахгүй, хотууд хорооллоос бүрдэнэ
Нийслэлийн төвийн зургаан дүүргээс нийт 1278 ТҮЦ нүүлгэжээ
Жүжигчин Ём Хе Ран: Э Сун аа, ээж нь шагнал авчихлаа
Шадар сайд Т.Доржханд Азийн хөгжлийн банкны Захирагчдын уулзалтад оролцлоо
Гоо сайхны мэс заслаар дахин залуужсан Энн Хэтэуэй
Хөгжлийн банкны хуулийн шинэчлэлийн талаар хэлэлцэж байна
Ямалийг яаж зогсоох вэ? “Интер”-“Барселона”-гийн тоглолтын өмнөх яриа
Цар тахлын үед хариу арга хэмжээ авах нийгмийн хамгаалал төсөл хэрэгжиж байна
Хөгжлийн банк 10 гаруй их наяд төгрөгийн өрөө төлж барагдуулжээ
Янник Синнер: Допингийн шийтгэлийн хугацаанд бодлоо цэгцлэхийг хичээлээ
Хүлэгүүд Азийн Аваргуудын лигт гурав дараалан хожлоо
Путин цөмийн зэвсэг ашиглахгүйгээр дайныг дуусгах нөөц бололцоотойгоо мэдэгдлээ
