Дэлхий
Казахстаныг Орос-Беларусийн холбоонд нэгтгэх Лукашенкогийн санааг “хошигнол” гэж үзэж байгаагаа Токаев илэрхийлжээ
Даваа гарагт Умард Казахстан мужийн фермерүүдтэй уулзах үеэрээ Казахстаны ерөнхийлөгч Касым-Жомарт Токаев саяхан Беларусийн ерөнхийлөгч Александр Лукашенкогийн хэлсэн санааг “хошигнол” хэмээн ойлгож, зохих ёсоор талархан хүлээж авч байгаагаа илэрхийлжээ.
Өнгөрсөн амралтын өдөр Оросын телевизийн сэтгүүлчтэй ярилцахдаа Лукашенко дээрх хоёр улсын нэгдсэн улсын бүтцэд Казахстан зэрэг хуучин Зөвлөлтийн бүрэлдэхүүнд байсан орнууд нэмж орох боломжтой тухай ярьсан юм.
Ингэвэл Оросын цөмийн зэвсгийн хамгаалалтад багтах давуу талтайг Беларусийн ерөнхийлөгч тайлбарлаж байжээ.
Украины дайнтай холбоотой үүссэн нөхцөл байдлын улмаас Оросын эрх баригчид Беларусийн нутаг дэвсгэрт тактикийн цөмийн зэвсгээ байрлуулахаар болсон билээ.
Токаев энэ талаар ярихдаа “Цөмийн зэвсгийн хувьд манай улс Цөмийн Зэвсгийг Дэлгэрүүлэхгүй Байх, Цөмийн Зэвсгийн Туршилтыг Хэсэгчлэн Хориглох гэрээнүүдэд нэгдсэн байдаг. Бид олон улсын энэ хоёр гэрээг дагах үүрэгтэй” гэж тайлбарлажээ.
1994 онд байгуулагдсан Будапештын Меморандумаар Казахстан, Украин, Беларусь улсууд аюулгүй байдлын баталгааг их гүрнүүдээс авсны үндсэн дээр Зөвлөлт Холбоот Улсаас өвлөж авсан цөмийн зэвсгээсээ татгалзаж байсан юм.
Гэвч 2022 оны хоёрдугаар сард ОХУ-ын эрх баригчид Украины нутаг дэвсгэрт халдан довтолсноосоо хойш цөмийн зэвсэг хэрэглэхээр байнга сүрдүүлж байгаа.
Өнгөрсөн долоо хоногт Москвад болсон Евразийн Эдийн Засгийн Холбооны гишүүн орнуудын уулзалтын үеэр Токаев цөмийн зэвсэг дундаа хуваалцаж буй Орос-Беларусийн түншлэлийг шүүмжилж, Евразийн Эдийн Засгийн Холбоог дээрх түншлэлээс эрс ялгаатайг тайлбарлаж байв.
Евразийн Эдийн Засгийн Холбоонд дээрх гурван улсаас гадна Армени, Киргизстан улсууд багтдаг юм.
Эх сурвалж: Tengrinews
Ши Жиньпин ОХУ-ын хэвлэлд гарын үсэгтэй нийтлэл нийтлэв
Ши Жиньпиний ОХУ-д хийх айлчлалын утга учрыг гурван одон медалиар өгүүлэх нь
П.Сайнзориг: Хороо гэх статусыг ашиглахгүй, хотууд хорооллоос бүрдэнэ
Нийслэлийн төвийн зургаан дүүргээс нийт 1278 ТҮЦ нүүлгэжээ
Жүжигчин Ём Хе Ран: Э Сун аа, ээж нь шагнал авчихлаа
Шадар сайд Т.Доржханд Азийн хөгжлийн банкны Захирагчдын уулзалтад оролцлоо
Гоо сайхны мэс заслаар дахин залуужсан Энн Хэтэуэй
Хөгжлийн банкны хуулийн шинэчлэлийн талаар хэлэлцэж байна
Ямалийг яаж зогсоох вэ? “Интер”-“Барселона”-гийн тоглолтын өмнөх яриа
Цар тахлын үед хариу арга хэмжээ авах нийгмийн хамгаалал төсөл хэрэгжиж байна
Хөгжлийн банк 10 гаруй их наяд төгрөгийн өрөө төлж барагдуулжээ
Янник Синнер: Допингийн шийтгэлийн хугацаанд бодлоо цэгцлэхийг хичээлээ
Хүлэгүүд Азийн Аваргуудын лигт гурав дараалан хожлоо
Путин цөмийн зэвсэг ашиглахгүйгээр дайныг дуусгах нөөц бололцоотойгоо мэдэгдлээ
