Дэлхий
Qatar Airways компанийн нисэх онгоц агаарт донсолсны улмаас 12 хүн бэртжээ
Ням гарагт Катарын нийслэл Доха хотоос Ирландын нийслэл Дублин хотын чиглэлд ниссэн Qatar Airways компанийн онгоц агаарт хүчтэй донсолсны улмаас нийтдээ 12 хүн бэртжээ.
QR017 аяллын дугаартай Boeing 787 Dreamliner онгоц Дублин хотын нисэх буудалд төлөвлөсөн цагтаа газардахад түргэн тусламж, аврах албаныхан тосож авсан байна.
Зургаан зорчигч, нислэгийн багийн зургаан гишүүн онгоц Туркийн нутаг дээгүүр өнгөрөх үед тохиолдсон донсолгооны үеэр бэртжээ.
Зорчигчдод хоолоор үйлчилж байх үед уг донсолгоо эхэлсэн бөгөөд нийтдээ 20 секунд хүрэхгүй хугацаанд үргэлжилснийг гэрчүүд мэдээлсэн байна.
Зорчигч, нислэгийн багийн гишүүдийн гэмтлийн зэргийг Qatar Airways компани “хөнгөн” гэж тодорхойлжээ.
Үүнээс тав хоногийн өмнө Singapore Airlines компанийн нисэх онгоц агаарт донслоход нэг зорчигч амиа алдаж, 40 гаруй хүн бэртэж гэмтсэн юм.
Агаарын урсгалын нөлөөгөөр онгоц хүчтэй сэгсрэгдэж, донслох үзэгдэл иргэний агаарын тээврийн хамгийн түгээмэл осол болсныг АНУ-ын Тээврийн Аюулгүй Байдлын Үндэсний Зөвлөл 2021 оны судалгаандаа дурдсан байдаг.
2009-өөс 2018 оны хооронд бүртгэгдсэн нислэгийн үеийн нийт ослын гуравны нэгээс илүү хэсгийг агаарын донсолгоо эзэлж байжээ.
Эдгээрийн ихэнх тохиолдолд хамгийн цөөндөө нэг хүн ноцтой бэртэж байсан ч онгоцонд ямар нэг гэмтэл гарч байгаагүйг дээрх судалгааны тоо баримт харуулж байна.
Эх сурвалж: Reuters
Ши Жиньпин ОХУ-ын хэвлэлд гарын үсэгтэй нийтлэл нийтлэв
Ши Жиньпиний ОХУ-д хийх айлчлалын утга учрыг гурван одон медалиар өгүүлэх нь
П.Сайнзориг: Хороо гэх статусыг ашиглахгүй, хотууд хорооллоос бүрдэнэ
Нийслэлийн төвийн зургаан дүүргээс нийт 1278 ТҮЦ нүүлгэжээ
Жүжигчин Ём Хе Ран: Э Сун аа, ээж нь шагнал авчихлаа
Шадар сайд Т.Доржханд Азийн хөгжлийн банкны Захирагчдын уулзалтад оролцлоо
Гоо сайхны мэс заслаар дахин залуужсан Энн Хэтэуэй
Хөгжлийн банкны хуулийн шинэчлэлийн талаар хэлэлцэж байна
Ямалийг яаж зогсоох вэ? “Интер”-“Барселона”-гийн тоглолтын өмнөх яриа
Цар тахлын үед хариу арга хэмжээ авах нийгмийн хамгаалал төсөл хэрэгжиж байна
Хөгжлийн банк 10 гаруй их наяд төгрөгийн өрөө төлж барагдуулжээ
Янник Синнер: Допингийн шийтгэлийн хугацаанд бодлоо цэгцлэхийг хичээлээ
Хүлэгүүд Азийн Аваргуудын лигт гурав дараалан хожлоо
Путин цөмийн зэвсэг ашиглахгүйгээр дайныг дуусгах нөөц бололцоотойгоо мэдэгдлээ
