Ши Жиньпин хил орчмын бүс нутгийн чанартай хөгжлийг ахиулахыг онцолжээ

Ши Жиньпин хэлэхдээ, Хятад маягийн орчин үеийн бүтээн байгуулалтыг ахиулахын тулд хилийн бүс нутгийн аль нэгийг ч орхиж болохгүй. Хил орчмын бүтээн байгуулалтыг Хятад маягийн шинэчлэлийн стратеги, бүс нутгийн зохицуулалттай хөгжлийн стратеги, бүс нутгийн томоохон стратегид тусгаж, хөгжлийн шинэ үзэл баримтлалыг бүрэн, зөв оновчтой, иж бүрэн хэрэгжүүлж, хил орчмын бүс нутгуудыг өөрсдийн нөхцөл байдалд тулгуурлан хөгжлийн шинэ загвар, үндэсний нэгдмэл зах зээлд нийцүүлэн өөрийн гэсэн өндөр чанартай хөгжилд хүрэхийг дэмжих хэрэгтэй. Шинэчлэл, нээлттэй байдлыг ашиглан эрч хүчийг нэмэгдүүлж, хилийн нутгийн эрэг, хил орчмын давуу талыг бүрэн ашиглаж, олон янзын нээлттэй байдлыг бий болгож, хуурай газар, далай, гадаад дотоод, зүүн болон баруун бүсийн харилцан туслалцаа үзүүлэх харилцаа холбоог цогц байдлаар бий болгох ёстой. Хот хөдөөгийн цогц хөгжлийг баримталж, хошуу сяньд суурилсан шинэ хотжилтын бүтээн байгуулалтыг тууштай ахиулж, хөдөө тосгоны иж бүрэн сэргэлтийг дэмжиж, ядуурлаас ангижруулах ажлын үр дүнг нэгтгэн өргөжүүлж, дахин ядууралд хүрэх байдал гарахаас үр дүнтэй сэргийлэх хэрэгтэй. Бүтээн байгуулалтын явцад ард иргэдийн амьжиргааг баталгаажуулахыг тууштай баримталж, хил орчмын бүс нутгийн үйлдвэрлэл, ахуй нөхцөлийг тасралтгүй сайжруулж, дэд бүтэц, төрийн суурь үйлчилгээний дутагдлыг арилгах ажлыг түргэтгэх ёстой гэжээ.

Тэрээр цааш нь хэлэхдээ, үндэсний аюулгүй байдал, нийгмийн тогтвортой байдлыг хамгаалахыг хил орчмын засаглалын үндсэн шаардлага болгон гүйцэтгэх ёстой. Хамтарсан бүтээн байгуулалт, хамтын засаглал, хамтын хүртээмжтэй нийгмийн засаглалын тогтолцоог боловсронгуй болгож, анхан шатны үндэс суурийг тасралтгүй бэхжүүлж, хил орчмын бүс нутгийн нийгмийн засаглалын үр дүн чадавхыг дээшлүүлэх ёстой гэжээ.