Улаанбаатар олон улсын кино наадам Швейцарийн кино наадамтай хамтран ажиллаж байна

Улаанбаатар олон улсын кино наадам буюу Ulaanbaatar International Film Festival (UBIFF) нь дэлхийн томоохон кино наадмын нэг болох Швейцарийн “Open Doors Locarno” Локарно кино наадамтай хамтран ажиллаж байна.

Локарно кино наадмын “Нээлттэй Хаалга” хөтөлбөр нь цахимаар уран бүтээлчдийн кино төсөлд зөвлөгөө өгөх “Open Doors Consultancy” тэтгэлэгээ зарлажээ.

“Open Doors Consultancy” тэтгэлэг нь жилд гурван удаа зарлагддаг бөгөөд тухай бүртээ найм орчим хөгжүүлэлтийн шатанд яваа кино төслийг сонгон шалгаруулдаг аж. Сонгогдсон кино төслийн уран бүтээлчид олон улсын киноны зөвлөхүүдээс цахимаар ганцаарчилсан зөвлөгөө, удирдамжийг авах эрхтэй болдог гэнэ.

Хөтөлбөрт шалгарсан уран бүтээлчид дараах сэдвээр төслийн зөвлөгөө авах боломжтой юм байна.

Кино зохиол

Хамтарсан кино бүтээх санхүүгийн стратеги

Эвлүүлэг

Олон улсад бүтээлээ түгээх (борлуулагч, наадмууд…)

Гэрээ хэлцэл, хууль зүйн зөвлөгөө

“Open Doors Consultancy” тэтгэлэгт Монгол уран бүтээлчид төслөө илгээх боломжтой ба материалаа доорх хугацаанд амжиж илгээнэ үү.

2020.04.06-ны 05:00 цагаас 2020.04.08-ны 05:00 цагийн хооронд.

2020.06.22-ны 05:00 цагаас 2020.06.24-ны 05:00 цагийн хооронд.

2020.11.02-ны 05:00 цагаас 2020.11.04-ны 05:00 цагийн хооронд.