Э.Бат-Үүл:З.Энхболд нийгмийг айлгах тест хийж байна

“Сэдвийн гүнд” нэвтрүүлгийн үеэр Э.Бат-Үүлийн хэлсэн онцлох ишлэлүүд

Саяхан Ерөнхий сайд асан М.Энхсайханыг саатуулан хорьсон.Үүний дараа АН-ын нөлөө бүхий хүмүүс болох Э.Бат-Үүл, С.Баярцогт, жүжигчин Д.Сосорбарам нар “Парламент” ТВ-ийн “Сэдвийн гүнд” нэвтрүүлэгт орж З.Энхболдыг багагүй шүүмжилсэн. Эндээс Э.Бат-Үүлийн хэлсэн ишлэлээс түүвэрлэн хүргэж байна.

Э.Бат-Үүл:

• З.Энхболд дөрөвдүгээр сарын 17-нд хэвлэлд ярилцлага өгсөн байдаг. Тэр ярилцлагадаа “М.Энхсайхан манай намаас нэр дэвшихгүй. Шүүх, цагдаагаар явж байгаа учраас нэр дэвшүүлэхгүй” гэж хэлсэн байдаг. Өөрөөр хэлбэл, З.Энхболд тэнд шүүхийн нэрийн өмнөөс ярьсан байгаа биз. М.Энхсайханыг хэд хэдэн зорилготойгоор баривчилсан. Үүний нэг шалтгаан нь сонгуульд нэр дэвшүүлэхгүй байх зорилготой.
• Миний хамгийн их гайхаж байгаа нь З.Энхболд урьдчилан зарлаж байгаад барьж хийгээд байгаа явдал. М.Энхсайханыг нэр дэвшүүлэхгүй гэж хэлж байгаад л явуулчихлаа шүү дээ. Хэлж зарлаж байгаад хийж байгаа нь зориуд айлгаж байна. Нийгмийн айлгах тест хийж байгаа биз.
• С.Баярцогт, Да.Ганболдыг ч тэр хэрэгт татаад байгаа нь бүгд улс төрийн зорилготой. Стратегийн ордуудад хөрөнгө оруулалт оруулах ёстой.Гаднын хөрөнгө оруулагчдыг оруулж ирэх төрийн бодлого явж байсан. Гэтэл Х.Баттулга Ерөнхийлөгч болсноос хойш гэмт хэрэг гээд зарлачихсан.Тэгэхээр төрийн бодлогыг хэрэгжүүлж явсан хүмүүс бүгд гэмт хэрэгтэн болно биз дээ. Фашист, коммунист, большвекууд яг ингэдэг байхгүй юу.
• Өмнөх төрийн бодлогыг гэмт хэрэгт гэж нэрлээд төрийн зүтгэлтнүүдийг бүгдийг гэмт хэрэгтэн болгодог. Яг ийм үйл ажиллагааг явуулаад байна.
• 1930-аад оны хэлмэгдүүлэлт яг ингэж эхэлсэн. Нэг хүнийг хэрэгтэн болгохын тулд орсон гарсан, уулзсан бүх хүнтэй нь уулзаж мөшгидөг. Ингээд энгийн хүмүүс өөрийгөө хамгаалахын тулд нэгийнхээ эсрэг, буруу зөрүү мэдүүлэг өгч эхэлдэг.
• М.Энхсайханыг баривчлах хүртэл би нэр дэвших ямар ч бодолгүй байсан. З.Энхболд өнөөдөр АН-ын ахлах зөвлөх болсон. Энэ хүн ардчиллын аранга, дайсан болчихоод байгааг бид бүгд мэдэж байгаа шүү дээ.
• Үндэсний аюулгүй байдлыг шүүхээс хараат бус болгож, хэвлэл мэдээллийн эрх чөлөөнд халдаж, эрүүгийн хэрэг үүсгэдэг хуулийг хийсэн хүн нь З.Энхболд. Ийм хүн өнөөдөр АН-ын жинхэнэ дарга болчихоод суугаад байна шүү дээ. АН-ын даргын ярих эрхгүй зүйлийг ч яриад байгаа хүн шүү дээ. АН-аас хэн дэвших үгүйг энэ хүн шийдээд яриад байгаа юм. Ерөөсөө л АН-ыг ар