Хироши Микитани: Бид нэг удаа амьдрах учраас дээд зэргээр сайхан амьдрах ёстой

-Бүх ойлголт харьцангуй юм. Чи ч төгс зүйл байдагт хэзээ ч битгий итгэ.

Японы Амазон гэгддэг онлайн худалдааны “Ракутен” компанийн эзэн Хироши Микитани 1965 оны гуравдугаар сарын 11-нд Кобе хотод төрж, өсчээ. Түүний аав Рёйчи Микитани АНУ-д Фулбригт хөтөлбөрт суралцсан эдийн засагч мэргэжилтэй хүн байв. Харин ээж Сецуко нь Кобе руу буцах хүртлээ Нью-Йорк хотын бага сургуульд ажиллаж байсан бол эгч Икуко нь Осакагийн их сургуулийн анагаахын ангид суралцсан эмч, ах Кеничи нь Токиогийн их сургуулийн биологийн багш аж. Харин түүний өвөө нь үндэстэн дамнасан “Минолта” компанийн захирал байжээ. Хироши Микитани худалдааны чиглэлээр Токиогийн их сургуульд 1988 онд төгссөн байна. Түүнээс гадна 1993 онд Массачусеттс Кэмбриж дэх Харвардын их сургуулийн бизнесийн сургуулийг бизнесийн удирдлагын чиглэлээр магистр зэрэгтэйгээр төгсчээ. Тэрээр гэр бүлийн гишүүн хоёр авга ахыг нь авч одож Кобе хотын ихэнх хэсгийг нураасан 1995 онд болсон газар хөдлөлтийн дараа хувийн бизнесээ эхлэхээр шийдсэн байна. Энэ талаар Хироши Микитани “Тэр өдрүүдэд  бидний амьдрал ямар хэврэг болохыг ухаарсан. Бид нэг л удаа амьдарна. Дээд зэргээр сайхан амьдрах ёстой. Хэзээ нэгэн өдөр биш, зөвхөн одоо” гэж Харвардад зориулсан нийтлэлдээ бичсэн байна. Тиймээс ямар нэгэн ялгаатай зүйл хийхээр шийдсэнээр компаниа жижиг компаниудад туслах, бизнесээ өргөжүүлэхийн тулд Японы зогсонги эдийн засгийг сэргээх зорилгоор байгуулжээ.

-Интернэтийн хөгжил үргэлжлэхээс гадна  бизнесийн бүтээлч байдал шинэ эмх журмыг бий болгоно.

Тэрээр өөдрөг үзэл буюу “Ракутен” гэж компаниа нэрлэсэн нь шаардлагатай чухал үг байсан аж. Ийнхүү 1997 онд хоёр жилийн дараа нэрээ “Ракутен гэж сольсон “МДМ” компани бий болсон байна.  Хэдийгээр “Амазон” онлайнаар худалдаа хийдэг компанитай харьцуулдаг ч үнэндээ энэ нь өөр бизнес бөгөөд их том бизнес биш. Зөвхөн дэлгүүрээс дэлгүүрт 10 мянга гаруй компани том, дунд, жижиг бизнес эрхэлж бараагаа борлуулдаг бизнес аж. Амазон онлайн сүлжээ компанийг нь давамгайлах хүртэл Японд нэр хүндтэй электрон худалдааны онлайн бизнес байв. Гэхдээ түүний байгуулсан компанийн гол зорилго нь бизнесээ бусад салбарт өргөжүүлэх, олон улсад тэлж өргөжих явдал байжээ.  Тухайлбал, 2013 онд компаниа Испанид нээсэн ч тэр зунаа Европын шинэчлэлтийн улмаас хаахад хүрч байсан аж. Хироши Микитани хувийн компаниа байгуулахаас өмнө 1988 болон 1996 онд Японы аж үйлдвэрийн банкинд ажиллаж, 1991,1993 онд Харвардын их сургуульд магистарт суралцсан байна.  Мөн 1996 онд банкнаас гарч зөвлөгөө өгдөг “Гримсон группыг байгуулжээ. Түүнээс гадна худалдааны олон загварыг судалж эхэлснээр цахим хуудсаар дамжуулан борлуулдаг худалдааг хийхээр шийдсэн байна. Тиймээс дараа нь жил гурван хүнтэй хамтарч одоогийн энэ компаниа 250 мянган ам.долларын хөрөнгөтэйгээр байгуулсан аж. Тухайн үедээ бизнесээ 13 дэлгүүртэй, зургаан ажилтантай эхлүүлж байсан түүний компани өргөжсөөр 2017 онд 14 мянга гаруй ажилтантай 42 мянга гаруй электрон барааны сүлжээ дэлгүүртэй болжээ. Мөн Японд 100 мянга гаруй гишүүнтэй,бараг зургаан тэрбум ам.долларын ашигтай худалдаа хийдэг компани болсон аж.

Ажилчдаа англи хэлтэй болгох компанит ажил өрнүүлсэн нь

-Бүлэг болон багийн хоорондын ялгааг сур.

Онлайн худалдааны бизнес эрхэлдэг энэ компани өргөжихийн хэрээр нэг асуудал тулгарсан ажилчдаа англи хэлтэй болгох явдал байжээ. Тиймээс Хироши Микитани 2010 онд  10000 ажилтантай компанийн 7000 нь япон хүн болох долоо хоногт хийдэг хурлынхаа үеэр мэдэгджээ. Тэрээр хүмүүстээ хэл сурах, шинэ дүрмэнд дасахад хоёр жилийн хугацаа өгчээ. Учир нь тэрээр олон улсын нэг хуралд оролцсон ч англиар ярьж чадахгүй байсан ичсэн нь энэ шийдвэрийг гаргахад хүргэсэн гэнэ. Англиар ярьж сургах ажлыг түүний компанид 2000 онд ажиллахаар ирсэн  Такашиг Кацураги удирдсан байна. Мөн олон жилийн дараа Хироши Микитани компанийг нь олон улсад гарах ажлыг эрчимжүүлэхийг түүнээс хүсчээ. Энэ нь Японы хүн ам хөгширч байгаа нь өсч дэгжих боломжийг хязгаарлаж байна. Бүх орноос чадвартай ажилтан авчрах хэрэгтэй гэсэн хоёр шалтгаан нь “Ракутен” компанийн хувьд чухал алхам байв. Харин ажилчдаа англи хэлтэй болгох гэсэн ажлынхаа үр дүнг 18 сарын дараа шалгаж үзэхэд цөөхөн ажилтан нь шаардлага хангасан англи хэлний төвшин хүрсэн байна.  Тиймээс тэднийг чөлөөт цагаараа англи хэлний мэдлэгийг дээшлүүлэхийг хүсчээ. Учир нь Хироши Микитани өөрөө бие даан сурсан аж. Гэхдээ энэ арга нь түүний ажилчдад ажиллана гэж бодсон нь алдаа болсон байна. Тиймээс тэрээр  англи хэлтэй болгохын тул аргаа өөрчлөх хэрэгтэй ойлгожээ. Тиймээс компани ажилчдаа англи хэл сургах асуудлыг хариуцаж авсан мэдэгдэхүйц үр дүнгээ өгч ажилчдынх энэ хэлний мэдлэгийн төвшин сайжирч ирсэн байна.  Тэд англиар бараг хэлж байгааг ойлгодог, хүмүүсийн өмнө ярихаа ичдэггүй болсон аж.
-Чиний ажил, чадвар, үргэлжлүүлэн сурах хүсэл гэсэн гурван зүйлийн нэгдлээс амжилт бүрддэг.

-Чиний брэнд бол чиний үнэт зүйлсийн билэг тэмдэг юм.