“Эрдэнэс таван толгой” компани 39,5 сая төгрөгөөр сүлд дуу, клип хийлгэжээ

Энэхүү “Эрдэнэс таван толгой” компанийн урьдчилгаанд нь 15,8 сая, үлдэгдэлд нь 23,7 сая төгрөг төлж сүлд дуу, клиптэй болсоныг харахад нэгэн МУСК-ны “дөрвөн хөлтэй адгуус гэхэд дэндүү үнэтэй байна” гэдэг үгс санаанд орж байна. Сүлд дуу нь компанийн 10 жилийн ойд зориулсан цогц арга хэмжээний нэг гэнэ. Дууг “Харанга”-ын Чука хийж Лхагвасүрэн дуулжээ. “Эрдэнэсийн гэрэлт эх орон” гэдэг нэртэй. Клип нь ч гарсан. Дууны тухайд том од “өндөр” үнэтэй байх л даа. Клипний хувьд ойд зориулсан байдаг л нэг бүтээл харагдана. Өөрийн гэх сүлд дуутай байх моод Монголоор нэг таржээ. Төрийн байгууллага, компани, сургууль гээд хөдөөд баг хүртэл сүлд дуутай болсон. Энэ компанийн дарга нар “нийтийн жишгийг дагасан бид ямар буруутай юм” гэх байх. Гэхдээ л 40 гаруй сая төгрөгийг нэг дуу, клипэнд зарцуулсан гэхээр төрийн оролцоот компанийн тэргүүн зорилт зарчим болох төрийн хөрөнгийг авилан хэмнэх гэдэг нь алдагджээ. Хувийн компани хэзээ ч 40 сая төгрөгөөр нэг дуу, клип хийлгэхгүй.