Хятадын засгийн газар энхийг сахиулах армид вакцин хандивлана

Синьхуа агентлагийн мэдээ: Хятадаас НҮБ-ад суугаа төлөөлөгч Жан Жюнь 15-нд НҮБ-ын ерөнхий нарийн бичгийн дарга Гутерришт захидал илгээж, Хятад улс НҮБ-ын энхийг сахиулагчдад вакцин хандивлаж, Африкт үүрэг гүйцэтгэж буй армид ашиглуулахыг албан ёсоор мэдэгджээ.

БНХАУ-аас НҮБ-д суугаа Байнгын төлөөлөгчийн баг мэдэгдэхдээ, энэ нь вакциныг дэлхийн олон нийтийн бүтээгдэхүүн болгох амлалт биелүүлж буй бодит арга хэлбэр бөгөөд Хятад улс НҮБ болон олон талт үзлийг бодитоор дэмжиж байгааг харуулж байна. НҮБ-ын Ерөнхий нарийн бичгийн даргын “Энхийг сахиулах үйл ажиллагаа” санаачилгын дагуу энхийг сахиулагчдын аюулгүй байдлыг хангах чиглэлээр тэргүүлэгч орнуудын нэг болсны хувьд Хятад улс энхийг сахиулагчдын аюулгүй байдалд маш их ач холбогдол өгч, энхийг сахиулагчдыг эртхэн вакцинжуулалтад хамруулж, энхийг сахиулагчдын амь нас, эрүүл мэнд, үүргээ илүү сайн биелүүлэхэд нь туслахыг хичээж байна. Хятадын засгийн газар энхийг сахиулагчдад Хятадын вакциныг аль болох богино хугацаанд ашиглах боломжийг олгохын тулд НҮБ-ын нарийн бичгийн дарга нарын газартай нягт хамтран ажиллах болно гэжээ.

2-р сарын 17-нд, Хятадын Төрийн зөвлөлийн гишүүн бөгөөд Гадаад харилцааны сайд Ван И НҮБ-ын Аюулгүйн зөвлөлийн Ковид-19 халдварын эсрэг үйлчлэх вакцины талаарх сайд нарын олон нийтийн хурал дээр мэдэгдэхдээ, Хятад улс вакцинаа НҮБ-ын энхийг сахиулагчдад хандивлахаар шийдсэн гэжээ.

Н.Пүрэвжав