Америкийн тал энэ гурван уриалгад эрхбиш хариулт өгөх хэрэгтэй

Хэдийгээр нэн олон бодит баримтад нүүрлэж байгаа хэдий ч Хятадыг эсэргүүцдэг Америкийн зарим улс төрч шинэ коронавирусийн эх үүсвэрийн асуудлаар мэдсэн ч худал ярьсаар байна. Саяхан АНУ-ын Ерөнхийлөгчийн үндэсний аюулгүй байдлын зөвлөх Жейк Салливан ярилцлага өгөхдөө: хэрэв Хятад улс вирусийн эх үүсвэрийн талаар цаашид шалгахгүй бол “олон улсын хэмжээнд ганцаардах” болно гэжээ. Цагаан ордны хэвлэлийн нарийн бичгийн дарга Жен Псаки заналхийлэхдээ: Америк болон түүний холбоотнууд Хятадад шаардлагатай дарамт үзүүлэхээр хамтдаа хичээх болно гэжээ.

Вирусийн эх үүсвэрийн асуудлаар Америкийн улс төрчид Хятадыг мэхлэн айлгах эрхгүй юм, бас ч олон улсын хамтын нийгэмлэгийг төлөөлөн Хятадад дарамт үзүүлэх эрхгүй юм. Сүүлийн үед Хятадын тал чухалчлан уриалахдаа: Америк дахь халдварын эх үүсвэр, халдвартай дорвитой тэмцээгүйн шалтгаан болон хариуцагч, Форт Детрик болон гадаад дахь Америкийн биологийн лабораторийн асуудал зэргийг туйлбартай шалгах хэрэгтэй гэжээ. Ингэснээр олон улсын хамтын нийгэмлэг энэ талаар нийтэд уриалах болсон юм.

Өнөө нэн олон судалгаа өрнөхийг дагалдан, вирус халдварласан цаг хугацаа тасралтгүй урагшилсаар байгаа юм. Шинэ коронавирусийн халдварын ерөнхий байдлын хувьд, “олон эх үүсвэртэй мөртөө олон цэгт дэлгэрсэн нь нэгэнт маш тодорхой бодит байдал болсон юм”. Иймээс вирусийн эх үүсвэрийн судалгааны талаар бүх дэлхийгээрээ хамтран ажиллаж, олон газарт өрнүүлэх ёстой. Хятад улс ДЭМБ-ыг хоёр удаа урьж авчирсан юм, харин Америк өнөөг хүртэл ДЭМБ-д үүд хаалгаа нээж өгөөгүй мөртлөө дэлхий дахинаараа “Хятадыг ганцаардуулна” хэмээн заналхийлж байна, энэ нь яасан их утгагүй дэмий зүйл вэ？！

Яриангүй Жейк Салливан зэрэг хүмүүсийн хариулах шаардлагатай асуудлууд зөвхөн эдгээрээр зогсохгүй юм. Америк халдвартай дорвитой тэмцээгүй явдлыг хэн хариуцах вэ？Америк үүнийг туйлбартай шалгах ёстой.

Үүнээс гадна, Хятадыг түрэмгийлсэн Японы армийн “731 анги”-йн чөтгөрийн өвийг залгамжилсан Форт Детрикийн биологийн лаборатори яагаад 2019 оны 7-р сард гэнэтээр хаагдсан бэ ? Виржиниа мужийн хойд биед шалтгаан нь тодорхойгүй амьсгалын замын өвчин яагаад бараг нэгэн зэрэг гарсан бэ ? Висконсин мужид “Цахим тамхины өвчин” их хэмжээгээр тархаж, өвчтөнүүдийн “том цагаан уушги”-ны шинж тэмдгүүд нь шинэ коронавирусийн халдварын шинж тэмдгүүдтэй маш төстэй байсныг хэрхэн тайлбарлах вэ ? Өнөөг хүртэл Америкийн засгийн газар дээрх асуудлуудад өчүүхэн ч хариу өгөөгүй юм.

Одоогийн байдлаар, нуун дарж, нээлттэй ил тод бус байгаа нь Америк юм, эрдэмтдэд харш саад учруулан, вирусийн эх үүсвэрийн судалгааг харшилж байгаа нь Америк юм, бүх дэлхийгээрээ халдвартай тэмцэх хамтын ажиллагааг эвдэж, бусдад буруугаа нялзааж байгаа нь бас л Америк юм！Хятадын талаас дэвшүүлсэн гурван уриалгад Америкийн тал эрхбиш хариулт өгөх хэрэгтэй, эс тэгвэл “олон улсын хэмжээнд ганцаардах” нь гарцаагүй юм.