Эдийн засаг, нийгмийн хөгжлийн жилийн зорилтоо биелүүлж чадна

10-р сарын 18-нд Хятад улс 2021 оны эхний гурван улирлын улс ардын эдийн засгийн тоо баримтаа нийтэлжээ. Анхны статистик бүртгэлээр оны эхний гурван улиралд Хятадын ДНБ 82 их наяд 313 тэрбум 100 сая юаньд хүрснийг харьцуулж болох ханшаар тооцвол өнгөрсөн оны мөн үеийнхээсээ 9.8 хувиар нэмэгдсэн байна. Хэрэглээ, аж үйлдвэр, үл хөдлөх хөрөнгийн хөрөнгө оруулалт, ажлын орон тоо, оршин суугчдын орлого зэргийн тоо баримтаас харахад оны эхний гурван улиралд гол гол макро үзүүлэлтүүд бүгд зүй зохистой цар хүрээнд байсаар байна. Энэ нь Хятад улсын эдийн засаг олон эрсдэл, сорилтыг үр дүнтэй сэргийлэн зохицуулж, хөгжлөө тогтвортой сэргээснээр эдийн засгийн өсөлтийн хурд нь дэлхийн гол гол эдийн засгийн цогцуудын дунд эхэнд бичигдэж буйг харуулж байна.

2021 оны эхний гурван улиралд Хятад улсын эдийн засгийн өсөлт нь дөрөвдүгээр улирлын хөгжилдөө нааштай үндэс суурийг тавьсан аж. Тогтвортой нэмэгдсээр байгаа ажлын орон тоо болон оршин суугчдын орлого нь хэрэглээг нэмэгдүүлэхэд эерэгээр нөлөөлсөн бол хөрөнгө оруулалт ч ерөнхийдөө сэргэх төлөв ажиглагдаж байна. Үүнээс гадна дотоодын эдийн засгийн тогтвортой сэргэлт, олон улсын эрэлт хэрэгцээ нэмэгдэх зэрэг ашигтай нөхцөл байдалд Хятад улсын гадаад худалдаа ч ирэх тусмаа нааштай амжилтууд тогтоож байна. Хамгийн чухал нь Хятад улсын эдийн засгийн бүтэц тасралтгүй сайжирч байгаа нь ирээдүйн хөгжилдөө улам их эрч хүч сэлбэсэн болно. Ажил төрлийн салбарын бүтэц, аль эсвэл эрэлт шаардлагын бүтцийн хувьд Хятад улсын эдийн засгийн хөгжлийн чанар тасралтгүй дээшилж, хөгжлийн эрч хүч нь улам эрчимжиж байна.

Дэлхийн эдийн засгийн хоёр дахь том цогцын хувьд Хятад улсын эдийн засаг тогтвортой сэргэх нь дэлхийн эдийн засгийн хувьд маш чухал үүрэг гүйцэтгэх болно. Хятад улс олон улсын эрэлт хангамжийн гинжний гол чухал хэсэг болохоор Хятад улс дэлхийг шаардана, дэлхий ч Хятад улсыг хэрэгсэх юм. Мэдээж ирээдүйн хэсэг хугацаанд олон улсын нөхцөл байдал тогтвортой байх нь Хятад улсын эдийн засагт олон сорилт тулгарах болно. Гэвч урт хугацааны тогтвортой төлөв байдлаа хадгалж, уян хатан чанар, нөөц боломжоо улам сайн бадруулах юм. Ирэх хэсэг хугацаанд Хятад улс тогтвортой байдлыг илүүд чухалчилж, эдийн засгийн сэргэлтийн алхам бүрийг сайтар зохицуулан, зах зээлийн амьжиргааны эрч хүчийг дайчилж, дотоод эрэлт хэрэгцээний нөөц боломжийг илүү сайн нээж, улмаар эдийн засаг, нийгмийн хөгжлийнхөө бүтэн жилийн зорилтыг биелүүлэхээ батлах болно. Мөн өөрчлөлт нээлтийн бодлогоо гүнзгийрүүлж, даян дэлхийтэй хөгжлийн ашиг шимээ хуваалцах болно.

Д.Хүчитбаатар