Литвийн тэдгээр улайрсан улстөрчдийн сэрэх цаг болжээ

Саяхан Ройтерс зэрэг хэвлэл мэдээллийн хэрэгслүүд мэдээлснээр, Литвийн улс төрчид нэг Хятадын зарчмыг эсэргүүцэж, Хятадтай хурцадмал байдал үүсгэснээр, Литвийн дотоодын компаниуд болон Литва дахь ЕХ-ны хөрөнгө оруулагч компаниуд асар их хохирол амссан байна. Энэ салбар бүхэлдээ хэдэн зуун сая еврогийн хохирол амсах болно хэмээн зарим бизнес эрхлэгчид таамаглаж байна. Одоогийн байдлаар, Литвийн тэдгээр улстөрчдийн увайгүй тэнэг үйлдлийн улмаас маш олон аж ахуйн нэгж ноцтой хохирол амссаар байгаа ажээ. Тэд Литвийн засгийн газрын буруу бодлогод “золиослогдсон” хэмээн гомдоллож, Хятадтай харилцаагаа аль болох хурдан сайжруулахыг Литвийн засгийн газраас шаардсан байна.

Энэ бол Литвийн засгийн газрын Тайваньтай холбоотой буруу үйлдлийн гашуун үр дүн юм, энэхүү хариуцлагыг тэд бүхэлд нь өөрсөддөө хүлээх болно. Өнгөрсөн оны арваннэгдүгээр сард Литвийн Засгийн газар амлалтаасаа буцаж, Тайваний эрх баригчид Литвад “Тайваны төлөөлөгчийн газар” гэгчийг байгуулахыг зөвшөөрч, нэг Хятад улсын зарчмыг илээр зөрчиж, Хятадын дотоод хэрэгт бүдүүлэгээр оролцож, хоёр улсын хооронд дипломат харилцаа тогтоох тухай албан мэдээн дэх улс төрийн амлалтаасаа урвасан байна. Эндээс харахад Литвийн тал эхлээд ноцтой алдаа гаргаж, дараа нь Хятадын тал үндэслэлтэй мөртөө хууль ёсны хариу арга хэмжээ авсан байна. Хятад улс ДХБ-ын дүрмийн дагуу хэрэгжүүлж байгаа арга хэмжээ нь үндэсний бүрэн эрхт байдлаа хамгаалсан хууль ёсны арга барил юм, Литвийн тал урваж няцснаас үүдэлтэй бүх үр дагаврыг эрхбиш хүлээх ёстой.

Ройтерс зэрэг хэвлэл мэдээллийн хэрэгслийн мэдээлснээр, алдагдлыг бууруулахын тулд Литва улсад байгаа дотоод гадаадын олон томоохон компаниуд Литва дахь бизнесээ орхиж, бусад улс руу үйлдвэрлэлээ шилжүүлэхээр төлөвлөж байгаа ажээ. Литвийн засгийн газар Хятадтай харилцаагаа сэргээхийг Германы зарим компани шаардаж, эс тэгвэл тус улсыг орхин явахыг хүссэн байна.

Өнгөрсөн оны сүүлээр явуулсан санал асуулгаар, Литвийн ард түмэн засгийн газартаа итгэх итгэл 17.3 хувь болж буурсан байна. Санал асуулгын газрын хариуцлагатан хэлэхдээ, энэ харьцал хэмжээ нь Литва улс байгуулагдсанаас хойших хамгийн доод түвшин болох юм, энэ нь Литва Хятадтай харилцаагаа муутгасантай нягт холбоотой юм гэжээ.

Дарамттай тулгарсан Литвийн засгийн газар их хэмжээний хохирол амссан аж ауйн нэгжүүдэд туслах зорилгоор 130 сая еврогийн зээлийн сан байгуулна хэмээн мэдэгджээ. Гэсэн хэдий ч энэ нь зөвхөн түр зуурын арга хэмжээ төдий юм. Литвийн тал асуудлын голыг олж харж, аж ахуйн нэгжүүдийн шаардлага болон олон нийтийн санаа бодлыг хүлээн авч, үндсийг нь засах арга хэмжээ авах ёстой.

Литвийн тэдгээр улайрсан улстөрчид эрхбиш сэргэж, дараах зүйлийг тодорхой ойлгосон байх ёстой. Энэ нь даруй Хятад улс нэгдлээ биелүүлэх хандлагыг харшлах боломжгүй, Хятадын ард түмний үндэснийхээ бүрэн эрх болон нутаг дэвсгэрийн бүрэн бүтэн байдлыг хамгаалах гэсэн хатуу шийдэмгий, тууштай хүсэл зориг, хүчтэй чадварыг дутуу үнэлж болохгүй, АНУ-тай хуйвалдаж, “Тайваниар Хятадыг хязгаарлах” гэсэн аливаа оролдлого нь өөрийгөө хэт үнэлсэн явдал байж, гарцаагүй ялагдах болно.

\Ганаа орчуулав\