Энтертайнмент
IHC Esports дэлхийн аваргуудад хожигдож тэмцээнээ дуусгалаа
ESL-ээс зохион байгуулдаг, мажортой дүйцэхүйц 1 сая ам.долларын шагналын сантай “IEM Katowice 2023” тэмцээнд оролцсон Монголын “IHC Esports” баг дэлхийн аваргуудад хожигдож тэмцээнээ дуусгалаа.
Дэлхийн шилдэг 24 баг өрсөлдсөн тэмцээнд Ази тивийг төлөөлөн ганцаараа орсон монгол залуус өнгөрсөн шөнө Америкт төвтэй “Faze Clan” багт 2-0 (Inferno 16-11, Ancient 16-3) харьцаагаар хожигдсон. Дэлхийн чансааны гуравт жагсдаг Faze Clan нь IEM төрлийн гурван ч тэмцээнд түрүүлсэн, өнгөрсөн оны Антверпын мажорт түрүүлсэн хүчирхэг баг юм.
Өмнөх шатуудад дэлхийн чансааны 9-т бичигддэг Бразилын аварга FURIA Esports, 2022 оны зургаадугаар сарын IEM-д түрүүлсэн, дэлхийн чансааны 13-т жагсдаг Оросын Cloud9, Blast-ын 2022 оны хаврын Showdown-д түрүүлсэн Бразилын paiN Gaming багуудыг хожсон монгол залуус нэг тэмцээнд гурван удаа upset толилуулж дэлхий дахинд өөрсдийгөө тунхаглав.
Тоглолтын дараа IHC Esports багийн Skor буюу Б.Тэнгис “Бидэнд сурах, сайжруулах зүйлс маш их байна. Дэмжсэн үзэгчид болон хамтрагчдадаа баярлалаа” гэжээ. Монгол залуус Inferno талбайд хүчтэйгээ харуулж дэлхийн чансааг тэргүүлэгч Faze Clan болон Team Liquid багуудын эсрэг 11 үе авсан нь шинжээчдийн магтаалыг хүртсэн билээ.
Өнгөрсөн жил анх удаа мажор тэмцээнд оролцож стикертэй болж байсан багийг энэ жил ESL болон Blast-аас зохиох өндөр зэрэглэлийн олон тэмцээн хүлээж байна.
IHC Esports багийн тоглолтуудын үр дүн:
- Play-In Дээд хүснэгт нэгдүгээр шат: IHC Esports 0-1 (5-Mirage-16) Cloud9 (Орос) – Дэлхийн чансааны 12
- Play-In Доод хүснэгт нэгдүгээр шат: IHC Esports 2-0 (16-Inferno-12, 16-Nuke-11) paiN Gaming (Бразил) – Дэлхийн чансааны 27
- Play-In Доод хүснэгт хоёрдугаар шат: IHC Esports 2-1 (16-Nuke-14, 16-Mirage-19, 16-Anubis-10) FURIA Esports (Бразил) – Дэлхийн чансааны 9
- А хэсэг Дээд хүснэгт шөвгийн найм: IHC Esports 0-2 (13-Inferno-16, 6-Overpass-16) Team Liquid (АНУ) – Дэлхийн чансааны 4
- А хэсэг Доод хүснэгт шөвгийн найм: IHC Esports 2-0 (16-Inferno-14, 16-Mirage-14) Cloud9 (Орос) – Дэлхийн чансааны 12
Хятад улс Дэлхийн аюулгүй байдлын санаачилгыг дэмжигч төдийгүй тууштай хэрэгжүүлэгч юм
Нийслэлийн Засаг даргын дэргэдэх дөрвөн газрыг татан буулгажээ
АНУ-ын Төрийн департаментыг өөрчлөх төлөвлөгөөг танилцуулжээ
Н.Учрал: Хэн нэгнээс айж, агшаад байх шаардлага БАЙХГҮЙ
Хятадтай хийх худалдаагаа хязгаарлахыг АНУ бусад улсаас шаардаж байгааг буруушаажээ
Хардалтын улмаас эхнэрээ хөнөөсөн гэх хэргийг шүүхэд шилжүүллээ
Дэлхийн тойрог замд хүнс ургуулах туршилт эхлүүлэв
М.Нарантуяа-Нара олон хүүхэдтэй айлд МӨНГӨН ТЭТГЭМЖ олгох саналыг шүүмжлэв
Гавьяат тамирчин Г.Өсөхбаяр “Хар сарнай” хамтлагт ГЭНЭТИЙН БЭЛЭГ барив
“Реал Мадрид”-аас халагдвал Бразилын шигшээд очих эсэх талаар Анчелотти ам нээв
Улсын II төв эмнэлэгт элэг шилжүүлэн суулгах анхны мэс засал хийгдлээ
Энэтхэгт халдлага гарч, 28 хүн амиа алдлаа
Гаут Гаутын гүйлт дахин шуугиан тарив
Хятадын зах зээлийн онцлог ба тоглоомын дүрэм
