АНУ-ын сонгуулийн шоу

Орон нутгийн цагаар аравдугаар сарын 25-нд гурван долоо хоног сунжирсан Америк маягийн улс төрийн жүжиг эцэслэж——Бүгд найрамдах намын Конгрессын гишүүн Майк Жонсон 220 санал авч, АНУ-ын Конгрессын Төлөөлөгчдийн танхимын шинэ даргаар сонгогджээ.

Энэ сарын 3-наас эхлэн Бүгд найрамдах намын зарим гишүүд тухайн үеийн Төлөөлөгчдийн танхимын дарга Кевин Маккарти Ардчилсан намтай богино хугацааны төсвийн хөрөнгө оруулалтын хуулийн төсөл байгуулсанд дургүйцэж, түүнийг огцруулахаар “бослого” гаргаж, “сонгуулийн жүжиг” үргэлжилсэн юм.

Эхний шатанд Төлөөлөгчдийн танхимын олонхийн лидер Скализыг намаас нь нэр дэвшүүлсэн боловч нэг хоногийн дараа нь тэрээр хангалттай санал авч чадахгүйгээ ойлгож сонгуульд оролцохгүйгээ зарлав.

Хоёрдугаар шатанд Бүгд найрамдах намын гишүүн Жим Жордан гарч ирсэн ч Ардчилсан намаас нэр дэвшигчтэй гурван шатанд өрсөлдөөд шалгарч чадаагүй тул нэр дэвшүүлэх эрхээ цуцалсан юм.

Гуравдугаар шатанд Бүгд найрамдах намын Эммер гарсан боловч намын дотоодын зарим гишүүдийн эсэргүүцлээр нэр дэвшээд хэдхэн цаг болоод нэрээ татсан байна. 25-ны өдөр Бүгд найрамдахчуудын түргэвчилсэн санал хураалтын дараа Төлөөлөгчдийн танхимын Бүгд найрамдах намын бага хурлын дэд дарга Майк Жонсон амжилттай сонгогджээ.

Яагаад Майк Жонсон байсан тухай “Вашингтон Пост” сонинд, хүмүүсийн танил бус энэ консерватор нь Ерөнхийлөгч асан Доналд Трампын үнэнч дагалдагч гэж тодорхойлжээ. Майк Жонсоныг хэвлэл мэдээллийнхэн “АНУ-ын Төлөөлөгчдийн танхимын сүүлийн 140 гаруй жилийн түүхэн дэх хамгийн туршлагагүй дарга” хэмээн нэрлэж байгаа тул бүх намууд өөрийн мөрийн хөтөлбөрөө хэрэгжүүлэх зорилгоор түүнд нөлөөлж болзошгүй. Иймд АНУ-ын Төлөөлөгчдийн танхимын даргын сонгуулийн шоу дуусаагүй, жүжиг дөнгөж эхэлж байна гэсэн үг.

Эхний сорилт бол: Майк Жонсон Бүгд найрамдах намыг нэгтгэж чадах уу? АНУ-ын хэвлэл мэдээллийн хэрэгслүүдийн мэдээлснээр, Майк Жонсон 2020 оны сонгуулийн үр дүнд эргэлзэж, Доналд Трампыг “тэмцэлээ үргэлжлүүлэхийг” уриалсан байна. түүний хамгийн том ажил бол намынхаа дотоод зөрчил, хагарлыг арилгах явдал юм. Тэгэхгүй бол БНН-ын ирээдүй эргэлзээтэй болно.

Дээрээс нь Ардчилсан намтай зөвшилцөж, Засгийн газар гацахаас зайлсхийж чадах уу? Гэсэн сорилт бий. Шинэ дарга Украинд туслахыг эсэргүүцэж, Израильд тусламж үзүүлэхийг дэмждэг тул Жо Байдентэй санал зөрөлдөөн үүсэх нь зайлшгүй.

Хамгийн гол нь АНУ-ын хэвлэлүүдийн онцолж байсанчлан хэн нь сонгогдсон ч ялгаагүй. Удаан жилийн турш АНУ-ын зарим гүн гүнзгий асуудлууд “ардчилсан улс төр” гэгддэгтээ далдалсан. Хэвлэл мэдээллийн хэрэгслийн идэвхтэй мэдээлдэг конгрессын гишүүд сайхан хувцаслаж, цоглог харагдаа боловч тэдний үйл ажиллагаа, зан авир нь “хэтэрхий, хагалан бутарсан, гомдол тэмцэл”-ээр дүүрэн байдаг.

Дэлхийн цорын ганц их гүрний эрх мэдлийг хянадаг хүмүүсийн хувьд АНУ-ын улс төрчдийн хамгийн чухал чадвар бол улс орныхоо асуудлыг шийдвэрлэхэд туслах явдал байх ёстой. Гэхдээ тэд асуудал үүсгэгчийн дүрд тоглож байна. Ану-ын амлалтад итгэн найддаг холбоотон нь үүнийг ухаарах цаг болжээ.