Анх дэлгэгдэж буй бараа бүтээгдэхүүнээс тэд ямар боломж олж харав?

Шанхайд болж буй Хятадын олон улсын импортын 6 дахь экспогийн үеэр дижитал оюун ухаан, ногоон хөгжил зэрэг дэвшилтэт технологийг харуулсан олон тооны инновацын бүтээгдэхүүн олны хүртээл болж.

Эл экспод 442 төрлийн төлөөлөх чанартай шинэ бүтээгдэхүүн, шинэ технологи, шинэ үйлчилгээг анх удаа дэлгэжээ. Харин өмнөх таван экспогоор танилцуулсан төлөөлөх чанартай нийт 2000 орчим төрлийн шинэ бүтээгдэхүүн, шинэ технологи, шинэ үйлчилгээг танилцуулж байсан юм. Ингэхэд яагаад олон улсын компаниуд өөрийн шинэ бүтээгдэхүүн, шинэ үйлчилгээгээ хамгийн анх импортын экспо дээр танилцуулах болсон бэ?

Импортын экспо нь импортоор дагнасан дэлхийн анхны үндэсний хэмжээний үзэсгэлэнгийн хувьд “алтан брэнд” болж, Хятад болон бусад улс орнууд инновацын нөөц бололцоог хамтран ашиглах өндөр чанартай индэр болсон юм. Жишээлбэл, АНУ-ын Бостоны Шинжлэх Ухааны Корпорац АНУ-ын FDA-д зөвшөөрөгдсөн дэлхийн анхны “ходоодны бөмбөлөг” биеийн жинг хянах бүтээгдэхүүнээ танилцуулжээ. Түүнчлэн импортын экспо дээр анх худалдаанд гарсан тус компанийн олон шинэ бүтээгдэхүүн Хятадын зах зээлд нэвтэрч, олны талархлыг хүлээв. Тус корпорацын Хятадын салбар компанийн ТУЗ-ийн дэд захирал Да Бө хэлэхдээ, энэ нь Хятадын зах зээлд олны талархлыг хүлээсэн явдал нь импортын экспог эмнэлгийн хар технологийн нээлт, анхны үзэсгэлэнгийн платформ болгон сонгох итгэлийг улам бэхжүүлсэн гэжээ.

Хятад улс 1.4 тэрбум гаруй хүн амтай бөгөөд тэдний 400 сая нь дундын орлоготой байдаг нь дэлхийн шинэ технологи, бүтээгдэхүүнийг нэвтрүүлэх асар том туршилтын талбар болжээ. Бүтээлч, мэргэн ухаанаар дүүрэн, илүү сайн сайхан амьдралын төлөөх тэдгээр бүтээгдэхүүн нь Хятадын хэрэглэгчдийн эрэлт хэрэгцээг маш сайн хангаж байна.Инновацын төлөө мөнгө төлөхөд бэлэн Хятад хүмүүс олон байдаг. Ялангуяа автомашин, анагаах ухаан зэрэг салбарт үндэстэн дамнасан компаниудад хөрөнгө оруулалтаа нэмэгдүүлэх асар их орон зай байдаг юм.

Үүний зэрэгцээ Хятадын инновацад тулгуурласан хөгжлийн стратегийн амжилт нь гадаадын бизнес эрхлэгчдэд инновацыг нэвтрүүлэх таатай хөрсийг бүрдүүлж өгчээ. Сүүлийн жилүүдэд дэлхийн инновацын индекс дэх Хятад улсын зэрэглэл хурдацтай өссөн байна. Энэ оны есдүгээр сард Дэлхийн Оюуны Өмчийн Байгууллага нийтэлсэн тайлангийн дагуу, Хятад улс энэ жил 12-т жагссан бөгөөд эхний 30-д жагссан улс орнуудаас дунд орлоготой цорын ганц эдийн засаг байсан юм. Хятадын өндөр чанартай хөгжил нь “соронзон таталцал”-ыг бий болгосоор байгаа бөгөөд их олон импортын экспод оролцогчид өөрсдийн R&D төвөө Хятадад байршуулахаар шийджээ.

6 дахь удаагийн импортын экспо нь Хятад улсын өөрчлөлт нээлтийн 45 жилийн ой, “Бүс ба Зам”-ыг хамтран бүтээн байгуулсны 10 жилийн ойтой давхцан тохиож байна. Саяхан Бээжин хотноо “Бүс ба Зам” олон улсын хамтын ажиллагааны дээд хэмжээний гурав дахь чуулга уулзалт амжилттай болж өнгөрлөсөн бол энэ үеэр Хятад улс “Бүс ба Зам” санаачилгыг дэмжих найман арга хэмжээ санал болгосны дотор нээлттэй дэлхийн эдийн засгийг байгуулахад дэмжлэг үзүүлэх, шинжлэх ухаан, технологийн инновацыг дэмжих зэрэг багтсан байна. Хунчяогийн олон улсын эдийн засгийн зургаа дахь форумаас гаргасан “Дэлхийн нээлттэй байдлын тайлан- 2023”-д харуулснаар, 2022 онд дэлхийн нээлттэй байдлын индекс 0.7542 болж, өнгөрсөн оны мөн үеийнхээс 0.4%-иар буурч, 2008 оноос хойш үргэлжлэн буурсаар ирсэн боловч Хятадын нээлттэй байдлын индекс 2008-аас 2022 он хүртэл 0.6789-аас 0.7517 хүртэл өссөн байна.

Шинэ бүтээгдэхүүн бүр хүмүүсийн сайн сайхан амьдрах хүсэл тэмүүллийг илэрхийлдэг. Импортын экспо нь зөвхөн бараа бүтээгдэхүүний худалдааны платформ биш, бүр ч дэлхийн инновацын үржил шимт хөрсийг бүрдүүлж байдаг. “Бүс ба Зам”-г өндөр чанартай хамтран бүтээн байгуулах ирэх 10 жилд дэлхийн олон компани импортын экспог Хятадад хөрөнгө оруулалт хийх “трамплин” болгон ашиглаж, үзэсгэлэнд оролцогчоос хөрөнгө оруулагч болж хувирна хэмээх таамаглал их байна. Энд тэд зөвхөн захиалга, зах зээл, шинэлэг санааг олж авахаас гадна Хятад маягийн шинэчлэлийн авчирсан хязгааргүй боломжоос хуваалцах нь гарцаагүй юм.