Хамтран ажиллах гэрээ хэлэлцээрт гарын үсэг зурав

Орон нутгийн цагаар 10-р сарын 28-нд Хятадын төв радио телевиз Хятад Грекийн соёл иргэншлийн харилцан туршлага солилцох төв, Олон улсын олимпийн академитай хамтын ажиллагааны санамж бичигт гарын үсэг зурж, Хятад Грекийн соёл иргэншлийн солилцоог ахиулж, Олимпийн үзэл санааг уламжлан сурталчлах зэрэг талаар хамтран ажиллахаар тохиролцоонд хүрчээ. Грекийн Ерөнхий сайд Мицотакис Олон улсын олимпийн академи болон Хятадын төв радио телевиз хоорондын хамтын ажиллагаа гүнзгийрүүлж, холбогдох гэрээ хэлэлцээрт гарын үсэг зурсанд баяр хүргэсэн байна. Хятадын төв радио телевизийн захирал Шэнь Хайшюн Хятад Грекийн соёл иргэншлийн харилцан туршлага солилцох төвийн Грекийн талын хэрэг эрхэлсэн зөвлөлийн дарга Вервидакис, Олон улсын олимпийн академийн захирал Ковелос нартай тус тус гарын үсэг зурав. Хятадаас Грект суугаа элчин сайд Шяо Жүньжэн гарын үсэг зурах ёслолд оролцов.

Хятад Грекийн соёл иргэншлийн харилцан туршлага солилцох төвийн Грекийн хэрэг эрхэлсэн зөвлөлийн дарга Вервидакистэй уулзах үе Шэнь Хайшюн хэлэхдээ, энэ оны 2-р сард Ши Жиньпин дарга танд болон Грекийн эрдэмтэн судлаачдад хариу захидал илгээж, Хятад Грекийн соёл иргэншлийн харилцан туршлага солилцох төв байгуулагдсанд баяр хүргэсэн. Хятад, Грек өнө удаан түүхтэй эртний соёл иргэншилт орны хувьд Евразийн эх хуурайн зүүн баруун хязгаарт бие биенээ харилцан нөхсөн гайхамшигт соёл иргэншлийг бий болгосон. Хятадын төв радио телевиз нь Хятадын уламжлалт соёлыг өвлөн залгамжилж, Хятадын үндэстний орчин үеийн соёл иргэншлийг хөгжүүлэх эрхэм зорилгоо гүйцэтгэж, Хятад Грекийн соёл иргэншлийн харилцан туршлага солилцох төвтэй нягт хамтран ажиллаж, хүн төрөлхтний хувь заяаны нэгдмэл цогцын бүтээн байгуулалтыг ахиулахын тулд гүн гүнзгий, цаг үеэ олсон соёл иргэншлийн хүчийг сэлбэхэд бэлэн байна гэжээ.