Мао Зэдүнийг дурсах эрин цагийн ач холбогдол

Өчигдөр, 12 сарын 26-нд ХКН-ын Төв хороо Ардын их хурлын ордонд хуралдаж, шинэ Хятад улсын гол үндэслэгч Мао Зэдүний мэндэлсний 130 жилийн ойг тэмдэглэв. Мао Зэдүн бол Марксизмыг Хятад улсад хөгжүүлсэн агуу анхдагч, Хятадын орчин үеийн социалист бүтээн байгуулалтын агуу суурийг тавигч, Хятадын ард түмэн өөрийн хувь заяа, эх орноо тууштай өөрчлөх үйлсийг удирдсан нэгэн үеийн агуу удирдагч, дэлхийн дарлагдсан үндэстний эрх чөлөө болон хүн төрөлхтөний дэвшлийн үйл хэрэгт чухал их хувь нэмэр оруулсан агуу интернационалч юм хэмээн Ши Жиньпин үнэлж, Мао Зэдүнийг дурсах хамгийн сайн дурсамж бол түүний хийж бүтээсэн үйлсийг нь тасралтгүй урагш ахиулах явдал юм гэж онцлов.

ХКН-ын “Бүх сэтгэлээрээ ард түмний төлөө үйлчлэх” үндсэн зарчмыг баримтлан хэрэгжүүлж, Ши Жиньпин төр улсаа засах практиктаа “ард түмнээр төв болгох” хөгжлийн үзэл санааг бий болгосон юм. Төрийн эрх мэдлийг хэрэгжүүлж эхэлснээс хойш Ши Жиньпин ямагт ард түмнийг дээдэлж, ард түмнээ сэтгэлийн төвд тавьж иржээ. Тэрбээр Мао Зэдүний мэндэлсний 130 жилийн ойд зориулсан хуралд тавьсан илтгэлдээ, Хятад маягийн орчин үеийн шинэчлэлт бол Хятадын ард түмний үйлс бөгөөд ард түмнээ түшиж, ард түмний язгуур ашиг сонирхолыг хамгаалах, сайтар биелүүлэх, сайтар хөгжүүлэхийг ажлын гараа, үүрэг зорилт болгож, орчин үеийн бүтээн байгуулалтын үр бүтээмжийг ард түмэнд илүү ихээр, илүү шударгаар хүртээх хэрэгтэй. Ард түмэн эрх эдэлж, эзэн суусан тогтолцоог боловсронгуй болгож, иргэдийн амьдралыг баталгаажуулан сайжруулж, шинэ эрин үеийн олон түмний төлөө байх үйл хэргийг бодитой хэрэгжүүлж, ард түмний шүүмжлэл, хяналтыг хүлээн авч, Хятад маягийн орчин үеийн шинэчлэлтийг хамгийн найдвартай, хамгийн гүн зузаан, хамгийн баттай хүчин чадлын эх ундаргатай болгох хэрэгтэй гэжээ.

△Мао Зэдүний төрсөн нутаг Хунань мужийн Чанша хотын аялал жуулчлалын бүсэд залуус Мао Зэдүнд зориулсан уран баримлын өмнө зураг татуулж буй нь

△2023 оны 12 дугаар сарын 15-нд, Хятад улс дотооддоо үйлдвэрлэсэн анхны том оврын аялалын хөлөг онгоц “Adora Magic City” хөлөг Шанхайн У Сункөүгийн гарамд зогсож байгаа нь

△Хятадад үйлдвэрлэсэн “Фушин” ухаалаг хурдны галт тэрэг Бээжин-Шанхайн чиглэлд довтолгож байна

△Арвин ургац хураасан тариачин. 2022 оны 9 дүгээр сарын 10-нд, Шаньдун мужийн Тай Аньд

△Жэжян мужийн Хужөү хотын Шюй Ван тосгон. Хятад маягийн орчин үеийн шинэчлэлтийн үзэсгэлэнт сайхан хөдөө тосгоны дүр зураг юм.