Өөрийгөө шатаасан эмгэнэлт явдал Америкийн улс төрчдөд юу нэг бодуулах ёстой

“АНУ-ын засгийн газрын Израилийн тухай бодлогод хүмүүс дургүйцэж байгааг АНУ дахь Израилийн ЭСЯ-ны өмнө америк цэрэг өөрийгөө шатаасан хэрэг бүрэн харууллаа” хэмээн 25 настай америк цэрэг Бушнел өөрийгөө шатааж амиа алдсаны дараа АНУ-ын “Улс төрч” цахим хуудас онцолсон байна.

Холбогдох мэдээллээс үзвэл, Бушнелл нь АНУ-ын Агаарын цэргийн хүчний тагнуулын ангид харьяалагддаг. Орон нутгийн цагаар 25-ны өдөр тэрээр АНУ дахь Израилийн ЭСЯ-ны үүдэнд очиж, биедээ түлш асгаж, өөрийгөө шатаасан бөгөөд энэ хугацаанд тэрээр “Палестиныг чөлөөл” гэж олон удаа хашгирч байсан юм. Хүнд гэмтлийн улмаас Бушнелл харамсалтайгаар нас барав. “Би цаашид геноцидд оролцохгүй” гэж өмнө нь бичсэн бичлэгт тэрээр хэлж байжээ.

Өнгөрсөн оны аравдугаар сараас хойш Палестин-Израилийн мөргөлдөөний улмаас 30 мянга орчим энгийн иргэн амиа алдаж, 2 сая орчим хүн дүрвэсэн юм. Энэхүү цуст мөргөлдөөн нь Палестин-Израилийн асуудлыг үндсээр нь шийдвэрлэх зайлшгүй шаардлагатайг онцолж, АНУ-ын Израилийг дэмжсэн бодлогын үр дагавар, “Америкийн хүний эрхийн” хоёр нүүр, давхар стандартыг тусгаж байна.

Нягталж үзвээс Палестин-Израилийн асуудлыг шийдвэрлэхийг хойш нь татсан буруутан нь АНУ юм. Америкийн дотоодын улс төр, ноёрхлыг хадгалахын тулд АНУ Израилийг дэмжиж, Ойрхи Дорнодод үймээн самуун үүсгэж байгааг Ойрхи Дорнодын олон судлаачид онцолж байна. АНУ-ын одоогийн засгийн газар Палестин-Израилийн мөргөлдөөнийг шийдвэрлэх “хоёр улсын шийдэл”-ийг дэмжинэ гэж мэдэгдэж байгаа ч хэзээ ч хэрэгжүүлээгүй нь эцсийн дүндээ Палестин-Израилийн шинэ мөргөлдөөн дэгдэхэд түлхэц болсон юм.

Үнэндээ Ойрхи Дорнодод сүүлийн жилүүдэд дайн дэгдэж, АНУ дайнд ямар нэгэн байдлаар холбоотой. Америкийн улстөрчдийн хувьд дайны улмаас сүйрсэн гэр бүл чухал биш, олон улсын хамтын нийгэмлэгийн буруушаж буй нь чухал биш, улс орных нь иргэд амь насаараа тэмцэж буй нь чухал биш харин Америкийн ашиг сонирхол болон ноёрхол нь юунаас ч чухал байгаа юм.

Бушнелл “өөрийгөө шатаах замаар хүмүүсийн мөс чанарыг сэрээхийг оролдсон” гэж Америкийн эрдэмтэн Дэвид Кортрайт ингэж дүгнэжээ. Энэ залуу цэргийн амиараа дэнчин тавьсан эсэргүүцэл Америкийн улс төрчдөд түгшүүрийн дохио өгч байна. “Хүний эрх” нэрийн дор хүний эрхийг уландаа гишгэхээ больж, “хоёр улсын шийдэл”-ийг хэрэгжүүлэх боломжийг хаахаа болих хэрэгтэй. Америкийн улс төрчид сэрэх хэрэгтэй байна.