Хятадын Коммунист Намын 20 дахь удаагаа сонгогдсон Төв хорооны Сахилга батыг шалгах комиссын IV бүгд хурал болов

Хятадын Коммунист Намын 20 дахь удаагаа сонгогдсон Төв хорооны Сахилга батыг шалгах комиссын IV бүгд хурал 2025 оны 1-р сарын 6-аас 8-ны хооронд Бээжинд болов. Энэ удаагийн бүгд хуралд Төв хорооны Сахилга батыг шалгах комиссын 131 гишүүн оролцож, санал өгөх эрхгүй 247 гишүүн оролцлоо.

Бүгд хурлыг Төв хорооны Сахилга батыг шалгах комиссын байнгын хороо удирдан явууллаа. Бүгд хурлаар Ши Жиньпиний шинэ эриний Хятадын онцлогтой социализмын үзэл баримтлалыг гүнзгий судлан хэрэгжүүлж, Хятадын Коммунист намын 20-р их хурал болон 20 дахь сонгуулийн 2-р, 3-р бүгд хурлын үзэл санааг иж бүрэн хэрэгжүүлж, 2024 оны сахилга батыг шалгасан ажлыг нэгтгэн дүгнэж, 2025 оны ажил үүргийг байршуулж, нөхөр Ли Ши Төв хорооны Сахилга батыг шалгах комиссын байнгын хороог төлөөлж хийсэн ажлын тайлан буюу “Намын хэв суртал, цэвэр төрийн байгуулалт болон авлигатай тэмцэх ажлыг гүнзгийрүүлж, намыг бүх талаар, хатуу засаглах ажлын шинэ ололт амжилтаар Хятад маягийн орчин үеийн шинэчлэлийг ахиулахад хүчтэй баталгаа болгоно” гэсэн тайланг хянан хэлэлцэж, баталсан байна.

Бүгд хурлаар Ерөнхий нарийн бичгийн дарга Ши Жиньпиний хэлсэн чухал үгийг анхааралтай судалж, гүнзгий ойлгов. Өнгөрсөн нэг жилийн хугацаанд намыг бүх талаар, хатуу засаглах ажлын олсон шинэ ахиц дэвшил, үр дүнг Ши Жиньпиний хэлсэн үг бүрэн нотолж, шинэ эрин, шинэ аянд намын эрхэм зорилго, үүрэг даалгаварыг биелүүлэх стратегийн өндөрцөөс харж, авлигатай тэмцэх үндсэн журмыг түүхийн өндөр өнцгөөс гүн гүнзгий ойлгож, авлигатай тэмцэх өнөөгийн нөхцөл байдалд гүнзгий дүн шинжилгээ хийж, буруу ойлголтыг ялган таньж, тодорхой байр суурь баримтлан, үзэл санааны мананг арилгаж, авлигатай хатуу ширүүн, удаан хугацаагаар, нийтээрээ тэмцэх талаар тодорхой шаардлагуудыг дэвшүүлж, намыг бүх талаар, хатуу засаглах ажлын шинэ ололт амжилтаар Хятад маягийн орчин үеийн шинэчлэлийг ахиулахад хүчтэй баталгаа болгох талаар стратегийн байршуулалт хийж, сахилга бат, хяналт шалгалтын багийнханд маш их хүсэл найдлага тавьсан байна.