Азийн олон орны хүмүүс “Мөсөн хотхон”-д хаврын баярыг тэмдэглэсэн байна

Азийн өвлийн спортын наадам бол соёл иргэншлийн солилцоо, харилцан суралцахыг дэмжсэн спортын томоохон индэр бөгөөд хаврын баяр нь Хятадын ард түмний уламжлалт шинэ жилийн баярыг тэмдэглэх олон нийтийн арга хэмжээ юм. Хаврын баярыг ЮНЕСКО-гийн биет бус соёлын өвийн жагсаалтад албан ёсоор бүртгүүлснээр, энэ жилийн хаврын баяр нь “биет бус соёлын өв”-ийн жагсаалтад бүртгэгдсний дараах анхны хаврын баяр болсон юм.

Хятадын билгийн тооллын нэгдүгээр сарын 15-нд тохиох Дэнлүүгийн баярын үеэр ХТРТ-ийн студийн гаднах цасан талбайд, улс орнуудаас ирсэн зочдод зориулан Янго бүжгийн үзэлбэр үзүүлж, дэнлүүний баярын амт шимтэй хоол ундыг дүүрэн өргөсөн нь зочид төлөөлөгчдийн анхаарлыг татаж, тэд хасах 20 хэмийн хүйтэнд ч баяр хөөрөөр цалгиж байлаа.

Монгол улсын Тэнгэр телевизийн сэтгүүлч Цогбадрахын Мажигсүрэн хэлэхдээ, “Би цаасан хайчилбарыг мэддэг боловч гоё хувцас хийж болдогийг сая л мэдэж байна. Цаасан хайчилбар нь хятадуудын хаврын баяраа тэмдэглэх нэг зүйлийн чухал арга хэлбэр байсаар ирсэн. Азийн зарим орнууд хаврын баярыг тэмдэглэдэг. Хэдийгээр үндэстэн, бүс нутаг, зан заншил нь өөр өөр ч нийтлэг зүйл нь хавар хүрч ирэхийг угтдаг явдал юм” гэжээ.

Хаврын баяр нь Хятадын ард түмний уламжлалт шинэ жилийн баярыг тэмдэглэх нийгмийн зан үйл болохын хувьд, дэлхийн биет бус соёлын өвд бүртгэгдэж, шинэ эриний Хятадын ард түмний эрчимтэй бүтээн байгуулж буй Хятад маягийн орчин үеийн бүтээн байгуулалт нь хүн төрөлхтний соёл иргэншлийн өвөрмөц шинэ хэлбэрийг бий болгож байна. Арга хэмжээний үеэр олон орны зочид ХТРТ-ийн Ази Африкийн газрын бүтээсэн “Хятадад зугаалж байна” \Walking Through China\ дууг хамтдаа дуулж, орчин үеийн шинэчлэлийг дэлхий дахинаараа хүсэн хүлээж буйгаа илэрхийлжээ.