Аюулгүй Хятад улсын бүтээн байгуулалтыг өндөр түвшинд хүргэх хэрэгтэй

Тайлбар, хэлэлцүүлгийг сонссоны дараа Ши Жиньпин чухал үг хэлэв. Тэрээр хэлсэн үгэндээ, ХКН-ын 18-р их хурлаас хойш намын төв хороо үндэсний аюулгүй байдлын удирдлага, хууль эрх зүй, стратеги, бодлогын тогтолцоог тасралтгүй сайжруулж, нийгмийн удирдлагын тогтолцоог боловсронгуй болгож, нийгмийн аюулгүй байдлын ерөнхий сэргийлэлт хяналтыг сайжруулж, олон нийтийн аюулгүй байдлын удирдлагын түвшнийг дээшлүүлэхэд анхаарч, үндэсний бүрэн эрх, аюулгүй байдал, хөгжлийн ашиг тусыг тууштай хамгаалж, эдийн засгийн хурдтай хөгжил, нийгмийн урт хугацааны тогтвортой байдлын “хоёр гайхамшиг”-ийн шинэ хуудсыг үргэлжлүүлэн бичиглэсэн юм. Нөхцөл байдал, үүрэг даалгаврын хөгжил өөрчлөлтөд дасан зохицохын тулд аюулгүй Хятад улсын бүтээн байгуулалт улам эрчимжихээс биш сулрахгүй гэв.

Ши Жиньпин цохон тэмдэглэхдээ, үндэсний аюулгүй байдлын иж бүрэн үзэл баримтлал нь аюулгүй Хятад улсыг илүү өндөр түвшинд байгуулах чухал удирдамж бөгөөд гуйвшгүй хэрэгжүүлэх ёстой. Бүх шатны намын хороо, захиргаа системтэй сэтгэлгээг тууштай баримталж, хөгжил бол бат ёс, аюулгүй байдал бас бат ёс гэсэн ойлголтыг улам бүр тогтоож, хөгжил, аюулгүй байдлыг ажилдаа ухамсартайгаар нэгтгэж, хамтран төлөвлөж, нэгтгэсэн байршуулалт хийж, харилцан урагш ахиулах хэрэгтэй. Улсын хэмжээнд нэгдэлтэй зарчим баримталж, газар нутаг, бүс нутаг, салбар бүрийн аюулгүй байдлыг хангах замаар үндэсний аюулгүй байдлын цогц нөхцөлийг бүрдүүлж, аюулгүй байдлын асуудлыг нэг нэгээр нь шуурхай, үр дүнтэй шийдвэрлэснээр бид улс орны урт хугацааны тогтвортой байдлын бат бөх суурийг тавьж чадна гэжээ.