Бангладешийн түр засгийн газрын ахлах зөвлөх Юнустай хийсэн ярилцлага

Тэрээр Хятадын компаниудыг Бангладеш улсад хөрөнгө оруулахыг урьж, хоёр орны хамтын ажиллагааны шинэ үе шатыг эхлүүлэхийг хүссэн байна. Тэрээр хэлэхдээ, Бангладешийн эдийн засгийн өөрчлөлтийг ахиулахад Хятад улс чухал үүрэг гүйцэтгэж чадна гэжээ.

Тэрээр Хятад улсын ядуурлыг бууруулах ололт амжилтыг биширч байгаагаа илэрхийлж, Хятадын орчин үеийн бүтээн байгуулалтыг сайшааж, “Хятадын хөгжил дэлхий нийтийг гайхшруулж, урам зориг өгч байна” гэв.

Тэрээр хоёр орны харилцаа солилцооны түүхийг дүгнэж, цаашдын хэтийн төлөвийг хүлээж буйгаа илэрхийлээд, “Бидний өвөг дээдэс олон жилийн харилцан солилцооны түүхтэй. Одоо бид харилцан ойлголцлоо ахиулж, найрамдалаа улам өргөжүүлэн хөгжүүлэх хэрэгтэй” гэв.

Энэ удаагийн нэвтрүүлгийн зочноор БНХАУ-д айлчилж буй Бангладешийн түр засгийн газрын тэргүүн зөвлөх Юнус уригдаж байна. Энэ жил хоёр орны хооронд дипломат харилцаа тогтоосны 50 жилийн ой, Хятад Бангладешийн иргэдийн солилцооны жил тохиож байна. Юнус хоёр талын хамтын ажиллагааг хэрхэн шинэ шатанд гаргана гэж найдаж байгаа, “Бүс ба зам” санаачилгыг хамтран байгуулах ямар төлөвлөгөөтэй байгаа талаар өгүүлж, олон улсын хямралтай, өөрчлөгдөж буй нөхцөл байдалтай тулгараад байгаа энэ үед хоёр улс сорилтод хэрхэн хариу үйлдэл үзүүлж, дэлхийн энх тайван, хөгжил, хөгжил цэцэглэлтийг хамтдаа хамгаалах ёстой вэ гэдэгт хариулсан байна.