Томас Бах: ОУОХ Бээжингийн өвлийн олимпод анхаарлаа хандуулж байна

8-р сарын 17-нд ОУОХ-ны дарга Томас Бах Хятадын Төв Радио Телевизийн дарга, ерөнхий редоктор Шэнь Хайшюнд захиа ирүүлж, ХТРТ олимпын хөдөлгөөнийг ямагт дэмжсээр ирсэн явдалд талархал илэрхийлээд, ХТРТ нь Бээжингийн өвлийн олимпод “бүтээлч чанараар илүү баялаг, илүү гүн гүнзгий үр нөлөөтэй” дамжуулах мэдээлэл хангахыг хүсэн эрмэлзэж байна гэжээ.

Томас Бах захидалдаа: 2020 оны Токиогийн олимпын хугацаанд дэлхийн хамгийн шилдэг тамирчид ер бусын өсөд өөр тэмцээний талбарт ер бусын гайхалтай тэмцээнүүдийг харуулсан юм. Дэлхий нийт спортын эрч хүч болон тамирчдын амжилтаар бахархан нэгдэж байна. Сэргээн босголтын хэтийн төлөвийн хувьд авч үзвэл энэ удаагийн олимп нь спортын утга агуулгаас давж, хүсэл эрмэлзэл, эв нэгдэл болон энх тайвныг харуулсан учраас түүхэнд тэмдэглэгдэн үлдэх ёстой. ХТРТ-ийн олон төрөл зүйлийн мэдээллийн индэр бүх талаар дамжуулан мэдээлж, олон зуун сая үзэгчдэд энэ удаагийн олимпын наадам тэмцээнийг хүргэж, олимпын үнэ цэнэ, зориг санааг хөгжүүлэхийг ахиулсан юм. ОУОХ 2022 оны Бээжингийн өвлийн олимпод анхаарлаа хандуулж байгаа бөгөөд ХТРТ нь бүтээлч чанараар илүү баялаг, илүү гүн гүнзгий үр нөлөөтэй мэдээлэл дамжуулахыг хүсэн найдаж байна гэжээ.

Шэнь Хайшюн Томас Бахт илгээсэн захидалдаа: 2020 оны Токиогийн олимп Коронавирусийн цар тахлын бараан сүүдэрт нөлөөлөгдсөөр байгаа дэлхий дахины үзэгч олонд нэгэн удаагийн ер бусын гайхалтай наадам тэмцээнийг хүргэж, олимпын түүхэнд яруу алдартай хуудсыг бичиглэлээ. Токиогийн олимпын хугацаанд ХТРТ 500 удаагийн тэмцээнийг телевизээр дамжуулах, 7000 гаруй удаагийн тэмцээнийг мэдээллийн шинэ хэрэгслээр шууд дамжуулах, зарим чухал тэмцээнүүдийг олон улсын нийтийн мэдээллийн дохионы дагуу найруулах ажлыг бүрэн дүүрэн биелүүлж, мэдээллийн хэрэгслийн бүх платформын үзэгчид давхардсан тоогоор 47.9 тэрбумд хүрсэн нь сүүлийн арваад жилийн спортын наадам тэмцээний үзэгчдийн хандалтын шинэ тэмдэглэлийг бүтээсэн юм. ХТРТ өдгөө Бээжингийн өвлийн олимпыг дамжуулан мэдээлэх ажилд идэвхтэй бэлтгэж, түүнчлэн олимпын суваг нээх ажлыг эмх цэгцтэй ахиулж байна. ХТРТ Бээжингийн өвлийн олимпыг мэдээллийн хэрэгслийн технологийн сүүлийн үеийн хөгжил ба одоо үеийн үзэгч олны олон талт хэрэгцээ шаардлагыг бүрэн төгөлдөр уялдуулсан индэр болгох нь лавтай гэж тэмдэглэжээ.