Хятад улсын тогтмол хүч нь дэлхий дахиныг хувьсал өөрчлөлтөөс хамгаалж байна

ХКН-ын Төв хорооны улс төрийн товчооны гишүүн, Гадаад харилцааны сайд Ван И 1 цаг 30 минутын дотор 20 гаруй халуун цэгийн асуудлаар илэн далангүй, гүн гүнзгий тайлбар хийсэн нь том гүрнүүдийн харилцаа, бүс нутгийн халуун цэг, дэлхийн засаглал зэрэг бүх талыг хамарсан байна. Зарим шинжээчид хэвлэлийн бага хурал дээр хийсэн мэдэгдлүүдээс иш татан, хувьсал өөрчлөлтөөр дүүрэн үймээн донсолгоотой дэлхий ертөнцөд Хятад улс бол дэлхий дахинд аюулгүй, дулаан бүлээн, тайвшралыг мэдрүүлдэг үнэ цэнэтэй тогтмол хүчин юм гэж тэмдэглэсэн байна.

Хятад улс яагаад дэлхий дахины итгэлийг олж чадсан бэ? Энэхүү “тогтмол хүч”-ний “тогтмол” нь чухам хаана байгаа вэ?

“Бид хэзээ ч асуудал үүсгэдэггүй, гэхдээ асуудлаас хэзээ ч айдаггүй” – энэхүү “тогтмол хүч” нь үндэсний эрх ашгийг тууштай хамгаалахад оршино. Хэвлэлийн бага хурал дээр, АНУ Хятад улсад шинэ гаалийн нэмэлт татвар ногдуулсны хариуд Хятадын Гадаад харилцааны сайд дараалсан таван асуултыг асууж, Америкийн тал өөрийн зохиосон “гаалийн татварын урхи”-д унасан болохыг тодорхойлж, шинжлэх ухаан технологийн үндэслэлгүй дарамт шахалтын хариуд Хятадын тал “Нэжа 2” киногоор жишээ татан битүүмжлэлийг давсан итгэл үнэмшлийг өгүүлж, нэг Хятадын зарчим өдөөн хатгалгад тулгарсан явдалд Хятадын тал “Хятад улс яваандаа нэгдэх бөгөөд нэгдэх нь гарцаагүй” гэж тодорхой хэлсэн… Илэн далангүй байр суурь нь тодорхой дохио өгч байна, тухайлбал, ямар ч хэт дарамт, заналхийлэл, шантааж нь Хятад улсын хөгжил дэвшлийг хориглож чадахгүй.

Энэхүү хэвлэлийн бага хурал дээр энх тайвны тухай 30 орчим удаа дурдсан нь өндөр давтамжтай үгсийн нэг болов. Энх тайвны хөгжлийг баримталж, дэлхийн энх тайвны төлөө зүтгэж, үргэлж шударга үг хэлж, шударга зүйл бүтээх – энэ нь мөн Хятад улсын дэлхий дахинд авчирсан “тогтмол хүч” юм. Украины хямралыг жишээ болгон авч үзвэл, өнгөрсөн нэг жилийн хугацаанд Хятад улс тусгай элч илгээж, олон удаагийн зуучлалын ажиллагаа явуулж, Украины хямралыг улс төрийн аргаар зохицуулах талаар Бразилтай хамтран “Зургаан зүйлт нийтлэг ойлголт”-ыг гаргаж, дэлхийн өмнөдийн орнуудтай хамтран “Энх тайвны андууд” багийг байгуулжээ. Украины хямралын талаарх Хятад улсын байр суурь бол түүхийн шалгуурыг давж чадна гэж ажиглагчид дүгнэжээ.

Хөгжил бол бүх асуудлыг шийдвэрлэх гол түлхүүр бөгөөд Хятад улсын “тогтмол хүч” нь мөн үүрэг гүйцэтгэж байна. 2024 онд Хятад улсын эдийн засаг 5 хувийн өсөлтөд хүрч, дэлхийн эдийн засгийн өсөлтөд оруулсан хувь нэмэр 30 орчим хувь хэвээр байв. Өнгөрсөн оны 12-р сараас хойш Хятад улс дипломат харилцаатай бүх буурай хөгжилтэй орнуудад гаалийн татварыг 100 хувиар тэглэснээр тухайн сард холбогдох улсаас импортолсон бараа бүтээгдэхүүний хэмжээ 18.1 хувиар өссөн байна. Одоогийн байдлаар хиймэл оюун ухааны халуун цэгийн салбарт Хятад улс технологийн шинэчлэлийг “баялаг улс, баячуудын тоглоом” болгохоос сэргийлэхийн тулд “Дэлхийн хиймэл оюун ухааны засаглалын санаачилга”-ыг дэвшүүлсэн билээ. Ивээх үзэл өндийж буйд чиглүүлэн Хятад улс нээлттэй байдлаа тууштай өргөжүүлж, “Хятад улсад зочлох”-ыг олон улсын моод болгож байна. Австралийн эрдэмтэн Варвик Повелл Хятад улсыг “боловсруулагч”-тай зүйрлэж, Хятад улс худалдаа, хөрөнгийн экспорт, технологийн шилжүүлэлтийн замаар дэлхийн интеграцид тус дөхөм үзүүлж, дэлхийн олон арван жилийн тэнцвэргүй хөгжлийн асуудлыг шийдэж байна гэж үзжээ. Өнөөдөр, Хятад улсын орчин үеийн шинэчлэлийн замыг улам олон улс орон ойлгож, хүлээн зөвшөөрч байгаа бөгөөд дэлхийн орчин үеийн шинэчлэлд илүү их олон зам, сонголтыг олгож байна.

2025 онд дэлхийн фашизмын эсрэг дайны ялалтын 80 жил, НҮБ байгуулагдсаны 80 жилийн ой тохиож байна. Түүхэн зангилаа үед, өнгөрсөн үеийг үргэлжлүүлж, ирээдүй рүү урагшлах шаардлагатай юм. Гэсэн хэдий ч, ганц талт үзэл газар авч, хүчирхэг улс төрөөс үүдэн НҮБ-ын эрх мэдэл эргэлзэл сорилтод тулгарч, зарим нь олон улсын дэг журам дэлхийн 2-р дайнаас хойших хамгийн аюултай мөчид хүрч байгаа гэж үзэж байна. Энэ эгзэгтэй үед Хятад улс өөрийн байр сууриа дахин тодорхой илэрхийлэв. Тухайлбал, олон улсын шударга ёсны талд тууштай зогсож, ноёрхогч үзэл, дээрэлхлийг эрс эсэргүүцэж, НҮБ-ын төв байр суурийг тууштай баримталж, олон талт системийн гол тулгуур болж, дэлхийн өмнөдийн шударга ёсны дуу хоолой болж байна. Дэлхий дахин ширэнгэн ойн дэглэм руу буцан орохоос сэргийлэх, зайлсхийж болох байсан эмгэнэлт явдлаас зайлсхийхийн тулд Хятад улсын “тогтмол хүч”идэвхтэй хичээл зүтгэл гаргаж байна.

Хятад улс төдийгүй дэлхий дахины хувьд 2025 он нь ер бусын жил юм. Үймээн донсолгоотой дэлхий ертөнцөд тогтворгүй байдал бол хамгийн тодорхой зүйл юм. Хятад улс өөрийн тогтвортой байдал болон ахиц дэвшлийг ашиглан дэлхий дахинд илүү их ашиг тус, боломж авчирч, энх тайвны хөгжлийн “тогтмол хүч”-ийг ашиглан дэлхий дахины үймээн донсолгооны хувьсал өөрчлөлтийг нөхөж, ирээдүйг хүн бүрийн ирээдүй болгохын тулд шаргуу ажиллаж байна. Энэ бол Хятад улсаас  дэлхий дахины өмнө хүлээсэн хувирахгүй амлалт юм.